Memleket qaraly shańyraqtardy qaraýsyz qaldyrmaıdy
QR Prezıdenti Qasym-Jomart Toqaev qańtar oqıǵasynan qaıtys bolǵan azamattardyń otbasylaryna qarjylaı kómek kórsetýdi tapsyrdy, dep habarlaıdy Almaty-akshamy.kz.
Bul týraly QR Prezıdenti Qasym-Jomart Toqaev qańtar oqıǵasy kezinde qaıtys bolǵan azamattardyń rýhyna quran baǵyshtaý rásiminde aıtty.
«Sol qasiretti oqıǵadan beri 40 kún ótti. Búgin marqumdardyń rýhyna quran baǵyshtaý úshin meshitke arnaıy keldim. Qaza bolǵan adamdardyń jaqyndaryna taǵy da kóńil aıtamyn. Memleket qaraly shańyraqtardy qaraýsyz qaldyrmaıdy. Men qaıtys bolǵan azamattardyń otbasylaryna qarjylaı kómek kórsetýdi tapsyrdym», – dedi Prezıdent.
Qasym-Jomart Toqaev «Qazaqstan halqyna» qory da osy qaıyrymdylyq jumysqa atsalysady dep oılaıtynyn, endi halqymyzdyń tynyshtyǵyn buzýǵa jol berilmeıtinin jetkizdi.