Qańtar oqıǵasyna qatysty sot sanksıalarymen 627 kúdikti adam qamaýda otyr. Bul týraly Ortalyq komýnıkasıalar qyzmetinde QR Bas prokýratýrasy 1-qyzmet bastyǵynyń orynbasary Eldos Qılymjanov aıtty, dep habarlaıdy Almaty-akshamy.kz.
«Bas prokýratýra qańtar oqıǵalaryna baılanysty qylmystyq isterdiń tergelý barysy týraly habarlaıdy. Bultartpaý sharalardy jeńildetý boıynsha toqtalsaq, búgingi kúni tergeý organdarynyń is júrgizýinde atalǵan sanatta 4 849 is bar. Sot sanksıalarymen 627 kúdikti adam qamaýda. Biz buǵan deıin qoldanylǵan bultartpaý sharalaryn jeńildetý boıynsha jumystardy júrgizip jatyrmyz», - dedi E. Qılymjanov.
Onyń aıtýynsha, jeke basyn, densaýlyq jaǵdaıyn jáne basqa da sıpattaıtyn jaǵdaılardy eskere otyryp, 280 adamǵa kúzetpen ustaý bultartpaý sharasy eshqaıda ketpeý týraly qolhatqa, kepilge, úıqamaqqa jáne jeke kepilgerlikke aýystyryldy.
«Prokýrorlar ustalǵandar jáne jaýaptylyqqa tartylyp jatqan adamdardyń týystarymen kezdesýler ótkizýde. Olardyń ýájderi men dálelderi jan-jaqty tekserilip, osy negizde bultartpaý sharalardy ózgertý jóninde sheshimder qabyldanyp jatyr», - dedi Bas prokýratýra ókili.