Mūǵalímderdí testíleu arqyly synaudy olardyń bílíktílígín joqqa shyǵaru dep qaramau kerek - Mınıstr
QR Bílím jáne ǵylym mınıstrí Ashat Aımaǵambetov kóp jyldyq ótílí bar pedagogter nege ūlttyq bílíktílík testíleu synaǵyn tapsyratynyn túsíndírdí, dep habarlaıdy Almaty-akshamy.kz QazAqparatqa sílteme jasap.
«Unıversıtet bítírgen 32 myń student testíleuden óte almaı qalǵanyn aıttym. Olar da bízge renjídí. «Bíz jańa ǵana unıversıtettí bítíríp jatyrmyz. Bílímímíz álí eskírgen joq. Nege bízdíń bílíktílígímízdí tekseruleríńíz kerek?» - degen sūraq qoıdy. Bíz aıtamyz: «Sebebí sízder balalarmen jūmys ísteısízder. Sízderdíń bílímdí, bílíktí bolǵandaryńyz maǵan kerek emes, jalpy memleketímíz úshín qajet», - dep jauap beremíz. Sol sıyaqty 15 jyl bolsyn, 10 jyl bolsyn tájírıbesí bar mūǵalímderge de osy másele tıesílí», - dedí vedomstvo basshysy.
Onyń paıymynsha, mūǵalímderdí testíleu arqyly synaudy olardyń bílíktílígín joqqa shyǵaru dep qaramau kerek.
«Būl - mūǵalímderdíń 5 jylda bír ret ózíníń qūzyrettílígín dáleldeu úshín bayaǵydan kele jatqan úrdís. Sondyqtan būl jūmys jalǵasyn tabady», - degen mınıstr bílíktílík testínen ótpeu mamannyń mūǵalím bolyp jūmys ísteu qūqyǵyn shektemeıtínín eskerttí. «Būl – mūǵalímníń óz bílíktílígíne saı ústemeaqy aluy úshín tapsyrylatyn test», - dedí Ashat Aımaǵambetov.
Eske salsaq, Almatyda ūlttyq bílíktílík testín tapsyryp jatqan mūǵalím kóz jūmdy.