Bul týraly búgin OKQ-de ótken baspasóz máslıhatynda İİM Tergeý departamentiniń basshysy Sanjar Ádilov aıtty, dep habarlaıdy Almaty-akshamy.kz Elorda.info saıtyna silteme jasap.
Sot qaraýlarynyń nátıjeleri boıynsha 539 aıyptalýshyǵa úkim shyqty, olardyń 425-i bas bostandyǵyn shekteýge jáne tek 104-i ǵana aýyr jáne asa aýyr qylmystar jasaǵany úshin bas bostandyǵynan aıyrýǵa sottaldy. Qazir polısıa tergeýshileriniń óndirisinde 276 is bar (qarýdy zańsyz saqtaý – 50, kisi óltirý – 33, bılikti asyra paıdalaný – 40, urlyq – 16, buzaqylyq – 4 jáne t.b.), - dedi S.Ádilov.
Polısıa tergeýshileri qańtar oqıǵalary boıynsha 4 642 qylmystyq is qozǵady. Olardyń ishinde: urlyq – 2,5 myń, qarýdy urlaý nemese saqtaý – 710 fakt, buzaqylyq – 418, múlikti joıýdyń 199 faktisi, qaraqshylyq jáne tonaý – 26.
971 istiń óndirisi aıaqtaldy, onyń ishinde 609 aıyptalýshyǵa qatysty is sottarǵa joldandy. Jalpy, búgingi tańda polısıa tergeýshilerimen 40 myńǵa jýyq tergeý áreketteri júrgizildi, 15 myńnan astam azamattan jaýap alyndy jáne 2,5 myńnan astam saraptama taǵaıyndaldy, - dedi departament basshysy.
Sondaı-aq 873 qarý tárkilendi. Olardyń 480-i tabeldik bolsa, qalǵany - azamattyq qarý.