Moped urlaýshylar ýaqytsha tergeý ızolátoryna toǵytyldy.
Urlyq jasaýmen aınalysqan áıel 27-de bolsa, onyń serigi 26 jasta, dep habarlaıdy Almaty-akshamy.kz Polisia.kz-ke silteme jasap.
«Qazirgi ýaqytta ustalǵandardyń bótenniń múlkin urlaýdyń eki deregine qatystylyǵy anyqtaldy. Osy qylmystardy jasaý kezinde qaskóıler beınekameralardyń obektıvine túsip qalǵan. Kúdiktilerdiń jeke basy anyqtaldy jáne ustaldy. Jup qylmystyq árekettiń josparyn birge ázirlep, júzege asyrdy. Olar qala kóshelerinde qaraýsyz qalǵan mopedterdi ańdyp, urlap ketken. Sodan keıin múlikke óz qalaýlary boıynsha ıelik etken», – dedi Bostandyq aýdandyq PB-na qarasty polısıa bóliminiń bastyǵy Ǵalym Qasymbaev.
Ol Almaty oblysynyń týmasy, buryn quqyqbuzýshylyǵy bolmaǵan. Serigi Túrkistan oblysynyń týmasy, buryn urlyq jasaǵany úshin sotty bolǵan. Qazirgi ýaqytta tergeýshiler qylmysker juptyń buryn jasalǵan osyǵan uqsas qylmystarǵa qatysy bar-joǵyn tekserip jatyr.