Rınat Balgabaev «zakladka» máselesine arnalǵan jańa derekti fılmin jaryqqa shyǵardy, dep habarlaıdy aqshamnews.kz
Bul fılmde jeńil ári tez tabysqa qunyǵyp, esirtki tasymaldaýǵa kelisip, keıin bul áreketiniń óte aýyr saldaryna dýshar bolǵan adamdardyń taǵdyryn baıandaıdy. «Zakladchıkterdiń» kópshiligi, ókinishke oraı, óz isiniń qaýiptiligin jáne onyń ómirdi talqandap qana qoımaı, bas bostandyǵynan aıyrylý jazasyna alyp keletinin túsinbeı jatady. Quqyq qorǵaý organdarynyń málimetinshe, mundaı áreket úshin eń az jaza merzimi – 10 jyl túrme.
Fılmde Balgabaev osy jolǵa túsip, taǵdyryna balta shabylǵan adamdardyń shynaıy áńgimelerin jınaqtaǵan. Jasaǵan áreketteri úshin ómirleriniń mánin joǵaltqanyn sezinip, endi basqa adamdarǵa sabaq bolýdy kózdegen keıipkerlerdiń ómiri arqyly kórermenge basty bir oı jetkizildi: «Qansha aqsha tapsań da, ol seniń bostandyǵyń men bolashaǵyńa turmaıdy».
Bul fılm ár jasqa oı salady. Jastar úshin qate bir tańdaýdyń saldary arman-maqsattarynan bir sátte aıyrýy múmkin. Qaýip-qaterler men aýyr zardaptardan aýlaq bolý – árbir adamnyń óz qolynda. Ózderińdi jáne jaqyndaryńdy mundaı qaýipti tabys kózderinen qorǵańdar.