Sý resýrstary jáne ırrıgasıa mınıstrliginiń Sý resýrstaryn retteý, qorǵaý jáne paıdalaný komıteti baseındik ınspeksıalardy jańa jabdyqtarmen qamtamasyz etý boıynsha jumys júrgizýde, dep habarlaıdy aqshamnews.kz.
Cala mınıstrliginiń málimetinshe, búgingi tańda baseındik ınspeksıalarǵa 18 jeńil avtokólik, kóp fýnksıaly qurylǵylar, sýdyń jyldamdyǵy men shyǵynyn ólsheýge arnalǵan dachıkter berildi. Sondaı-aq baseındik ınspeksıalar ǵımarattaryna jóndeý jumystary júrgizilýde.
«Sý resýrstaryn retteý, qorǵaý jáne paıdalaný komıteti sýdyń «kóleńkeli» naryǵyna qarsy kúresti kúsheıtý úshin qurylǵan. Vedomstvo sýdy zańsyz paıdalanýmen jáne ony esepke alý derekteriniń burmalanýymen, sondaı-aq, eldiń sý obektilerindegi quqyqqa qarsy sharýashylyq qyzmetpen kúresedi. Qazirgi ýaqytta baseındik ınspeksıalar men memlekettik sý ınspektorlarynyń fýnksıalaryn keńeıtý, jedel áreket etýdiń jańa quraldaryn engizý boıynsha jumys atqarýlýda», − dedi Sý resýrstary jáne ırrıgasıa mınıstri Nurjan Nurjigitov.
Búgingi tańda baseındik ınspeksıalardyń jalpy shtaty 241 adam. Mınıstrlik qurylǵannan beri shtat sany 1,5 ese ulǵaıdy. Bul respýblıkanyń árbir oblys ortalyǵynda baseındik ınspeksıa bólimderin ashýǵa múmkindik berdi.
Aıta keteıik, elimizde 8 baseındik ınspeksıa bar. Ol Aral-Syrdarıa, Balqash-Alakól, Ertis, Esil, Jaıyq-Kaspıı, Nura-Sarysý, Tobyl-Torǵaı jáne Shý-Talas baseındik ınspeksıalary.