Memleket basshysynyń ózi bul máselege arnaıy toqtalǵan edi.
Úkimette Premer-mınıstr Álıhan Smaıylovtyń tóraǵalyǵymen Memleket basshysynyń tapsyrmalaryn oryndaý máseleleri boıynsha ótken keńeste qańǵybas ıtter máselesi kóterildi, dep habarlaıdy Almaty-akshamy.kz
Atap aıtqanda, Ekologıa mınıstrligine bul máseleni sheshýge halyqaralyq tájirıbeni eskere otyryp qaraý jáne zańnamaǵa tıisti túzetýler ázirleý tapsyryldy.
19 sáýirde elimizdiń áleýmettik-ekonomıkalyq damýyna arnalǵan jıynda Memleket basshysy bul máselege toqtalyp, osy boıynsha únemi aryz-shaǵymdar túsip jatqanyn atap ótti.
"Maǵan barlyq oblystardan qańǵybas ıtter týraly aryz-shaǵymdar kelip túsedi, onymen quzyrly organdardyń eshqaısysy aınalyspaıdy, barlyǵy tıisti zańǵa súıenedi. Biraq osy jolmen júrsek, jaǵdaıdy baqylaýdan shyǵaryp alýymyz múmkin. Iá, janýarlarǵa qamqorlyq jasaý kerek. Biraq olardyń adamdarǵa, ásirese, balalarǵa qatysty agresıasyna jol berýge bolmaıdy. Al qańǵybas ıtterdiń shabýylynan zardap shekkenderdiń sany artyp keledi. Buǵan jol berýge bolmaıdy. Shara qabyldańyzdar", - dedi Toqaev.