Qannyń qoıý bolýy nesimen qaýipti?
Qan jasýshalyq bólikten, suıyq negizden (plazma) jáne plazma aǵza boıymen tasıtyn zattardan turady. Osy quraýyshtardyń úılesimdi bolýy mańyzdy. Iaǵnı, erıtrosıtterdiń jetispeýshiligi anemıa boldyrady, al plazma óte suıyq bolyp ketedi, onyń kóp mólsheri qannyń uıýyna ákeledi. Qannyń jasýshalyq massasynyń jáne suıyq negizdiń qatynasyn tutqyrlyq dep ataıdy. Eger ol joǵary bolsa, qannyń tamyrlar boıymen júrýi qıyndaı túsedi.
Nashar qanaınalym ateroskleroz, varıkoz, gemoroı, baýyr jáne júrek jetkiliksizdigi sekildi aýrýlarǵa ákelýi múmkin.
Qan uıýynyń eń qorqynyshty saldarlaryna ınfarkt pen ınsýlt jatady.
Tromb túzilýiniń belgileri
Tromboz belgilerin bilý problemany ýaqytynda anyqtap, em bastaýǵa kómektesedi. Keıde ol eshqandaı belgi bermeýi de múmkin. Belgiler uıyǵan qannyń qaı jerde ornalasqanyna qaraı ártúrli bolady:
Eger tromb qolda nemese aıaqta ornalasqan bolsa, ol jer qurysyp aýyrýy jáne isinýi múmkin. Tromb ornalasqan jerdegi teri qyzyl jáne ustaǵan kezde jyly bolady.
Eger uıyǵan qan ishte bolsa, naýqastyń ishi qatty aýyrýy, qusýy jáne ish ótýi múmkin.
Júrek qan tamyrlarynda nemese deneniń joǵarǵy bóliginde qan uıyp qalǵan bolsa, keýde tusynda aýyrlyq paıda bolýy jáne aýyrýy, demikpe, tersheńdik, júrek aıný jáne bas aınalý sekildi belgiler baıqalýy múmkin.
Eger tromb ókpede bolsa, keýde tusy qatty aýyrady, tynys alý qıyndaıdy, júrek soǵysy jıilenedi, arterıalyq qysym túsip ketedi, bas aınalady jáne demikpe, tersheńdik, qaltyraý, qan aralas jótel paıda bolýy múmkin.
Eskertý: Eger trombozǵa kúmánińiz bolsa, dárigerge kórinińiz.
Qandy suıyltatyn ónimder
Qandy suıyltý úshin rasıonyńyzǵa myna ónimderdi qosyńyz:
- Zimbir;
- Záıtún maıy;
- Balyq;
- Ananas;
- Tuımedaq shaıy;
- Darshyn;
- Sarymsaq;
- Teńiz qyryqqabaty;
- Kýrkýma;
- Sý.