Baıqaýǵa álemniń 30 elinen qarılar keledi dep kútilýde.
1-2 qarashada Astanada ulttyq merek – Respýblıka kúnine oraı İ halyqaralyq Quran jarysy ótedi, dep habarlady Qazaqstan musylmandary dinı basqarmasy. Mundaı aýqymdaǵy shara Qazaqstanda tuńǵysh ret uıymdastyrylyp otyr, dep habarlaıdy almaty-akshamy.kz.
Baıqaý QMDB janyndaǵy respýblıkalyq bas meshitte ótedi. Halyqaralyq Quran jarysyna Indonezıa, Malaızıa, Birikken Arab Ámirlikteri, Saýd Arabıa oroldigi, AQSH, Mysyr Arab Respýblıkasy, Túrkıa, Reseı, Kýveıt, Gvıneıa syndy 30 elden qarılar qatysyp, olar Qurandy tolyq jatqa oqýdan baq synaıdy.
Baıqaýǵa Túrkıa, Mysyr Arab Respýblıkasy, Birikken Arab Ámirlikteri, Ózbekstannan keletin álemge tanymal, tájirıbeli qarılar qazylyq etedi.
Eki kúnge sozylatyn Quran jarysy múftıattyń Munara TV telearnasynan, "Múftıat QMDB" YouTube arnasynan, Dinı basqarmanyń resmı áleýmettik jelilerindegi paraqshalarynan tikeleı efır arqyly kórsetiledi.