Aǵzaǵa D dárýmeni jetpegende kóńil-kúı qubylmaly bolady
Kóńil-kúıdiń buzylýy men kúızelis serotonın, dofamın jáne endorfın sıaqty baqytqa bóleıtin gormondardyń jetispeýinen paıda bolýy múmkin. Bul týraly dáriger-dıetolog Elena Solomatına aıtty, dep habarlaıdy Almaty-akshamy.kz REN TV saıtyna silteme jasap.
Dáriger olardy tek serýendeý nemese sporttan ǵana emes, sondaı-aq, tamaqtan da alýǵa bolatynyna nazar aýdardy.
Solomatınanyń aıtýynsha, aǵzaǵa antıdepressant retinde qyzmet etetin D dárýmeni jetispeı jatýy múmkin eken. Mundaı jaǵdaıda tamaq rasıonyna balyq maıyn nemese balyq búıregin qosý kerek.
«Bizge taǵy quramynda magnııi bar ónimder: shemishke, jańǵaq, jasyl japyraqty kókónister qajet. Sonymen qatar, B tobyndaǵy azyq-túlikter - bútin dándi ónimder de qajet. Bul komponentter bolmasa, kóńilsiz kúı keshýimiz múmkin», - dep atap ótti dıetolog.
Kóńil-kúıdi kóteretin basqa azyq-túlikter qataryna ol suly jarmasyn, qyzanaq jáne kúrketaýyq etin jatqyzdy.