Májilis depýtaty Ermurat Bápı keshe kýlýarda jýrnalıserge qymbatshylyq máselesine qatysty pikir bildirdi. Bul qoǵamda qyzý talqylanǵan edi. Ol aımaqtardy aralaǵan kezde "qatty qıyndyq kórip júrgen halyqty baıqamaǵanyn" aıtqan bolatyn. Depýtat bul sózin Aqshamnews.kz tilshisine túsindirip, áleýmettik jelide taralǵan vıdeodaǵy konteksttiń burmalanǵanyn aıtty.
"Áleýmettik jelige kesilip ketken. Maǵan jýrnalıs "saılaýshylarmen kezdesýde qymbatshylyqqa qamalǵan adamdardy kórdińiz be?" dedi. Suraqtyń basy kesilip qalǵan. Qandaı suraq – sondaı jaýap. Men kórmedim dedim. Kezdesýde qymbatshylyq máselesin kótergen adam bolmady. Al negizinde qymbatshylyq bar, ol álemdik trend bolyp ketken. Amerıka, Eýropa, mysaly kórshimiz Reseıde benzınniń 1 lıtri 1 dollarǵa jetti. Al muny toqtatýdyń amalyn Úkimet jasaýy kerek. Bazar men alań arasyndaǵy deldaldardy azaıtý kerek. Óıtkeni egis dalasynan taýar "Kók bazarǵa" jetemin degenshe 4-5 deldaldan ótedi", – dedi ol.
Biraq depýtat qymbatshylyqty sezinetinin moıyndady.
"Árıne, biz endi aptasyna bir ret bazarǵa baramyz. Biraq qaltamdy qaǵyp jatyr dep te aıta almaımyn. Otbasynda eki adambyz. Balalar ósip ketti. Qınalyp, zardap shegip, zar ılep júrmin dep aıta almaımyn", – dedi Bápı.
Bul pikir qoǵamda qyzý pikirtalas týǵyzdy. Depýtat qymbatshylyq máselesin sheshý úshin Úkimetke naqty qadamdar qajet ekenin, ásirese deldaldar sanyn azaıtý kerektigin alǵa tartty.
Eske salaıyq, Ermurat Bápı keshe kýlýarda jýrnalıserge aımaqtardy aralaǵan kezde "qatty qıyndyq kórip júrgen halyqty baıqamaǵanyn" aıtqan bolatyn.
"Árıne, áńgime bar ol jerde. Qymbatshylyq týraly áńgime qaı jerde bolsyn bar. Biraq jalpy meniń ózim Shyǵysta boldym, Semeıde boldym. Almaty oblysynda boldym. Biraz jerde boldym. Sondaı bir qatty qıynshylyqqa tap bolǵan halyq bar – degen sóz kórgen joqpyn. Biraq, jekelegen bir otbasylar bar eken", – dedi depýtat.