Memleket basshysy Qasym-Jomart Toqaev VIII saılanǵan Qazaqstan Respýblıkasy Parlamentiniń birinshi sesıasynda kezekten tys depýtattar saılaýynda partıalarǵa, úmitkerlerge birdeı múmkindik berilgenin málim etti, dep habarlaıdy Almaty-akshamy.kz.
«Úgit-nasıhat kezeńin jáne daýys berý barysyn aqparat quraldary jan-jaqty kórsetti. Partıalarǵa, úmitkerlerge birdeı múmkindik berildi. Muny otandyq jáne sheteldik baıqaýshylar da aıtyp otyr. Qandaı da bir saıası uıymǵa artyqshylyq berilgen joq. Prezıdent eshbir partıanyń múshesi emes. Oblys ákimderi partıa bólimshelerine jetekshilik etpeıdi. Joǵary laýazymdy qyzmetkerler partıa tiziminde bolǵan joq. Iaǵnı, barlyq partıalar saılaýǵa birdeı jaǵdaıda qatysty», - dedi Prezıdent.
Sondaı-aq, Memleket basshysy saıası partıalardyń saılaý aldyndaǵy televızıalyq pikirtalastaryna toqtaldy.
«Saılaýshylar da, úmitkerler de aıryqsha belsendi boldy. Saıası partıalar ár aımaqta el nazaryn ózine aýdarý úshin tartysqa tústi. Birneshe ret tikeleı efırde partıalar arasynda qyzý jáne tıimdi pikirtalas boldy. Bul – demokratıalyq qoǵam úshin qalypty úrdis. Munyń bári Qazaqstanda ashyq azamattyq qoǵamnyń nyǵaıyp kele jatqanyn kórsetti», - dedi Qasym-Jomart Toqaev.