Bılikke oıy ozyq, bilimdi jastar kelýi kerek - Memleket basshysy
Bul týraly Memleket basshysy VIII saılanǵan Parlamenttiń alǵashqy sesıasynda aıtty, dep habarlaıdy Almaty-akshamy.kz.
«Elimizdiń jastary árdaıym meniń aıryqsha nazarymda ekeni barshaǵa málim. Men bılikke oıy ozyq, bilimdi jastar kelýi kerek dep únemi aıtamyn. Óskeleń urpaqty el isine baýlý – óte mańyzdy másele. Olar qoǵamǵa jańa qundylyqtar ákelýge tıis. Saılaý kezinde jas kandıdattar birigip, óz tobyn qurǵany belgili. Osy odaqtyń belsendi músheleri Parlamentke jáne máslıhattarǵa ótti», - dedi Prezıdent.
Memleket basshysynyń aıtýynsha, bılik tarmaǵyna saıasatkerlerdiń jańa býyny kelip jatyr. Jastar muny elimizdi damytýǵa berilgen biregeı múmkindik dep baǵalaýy qajet.
«Áıelderdiń jáne erekshe qajettiligi bar jandardyń Májiliske ótýine jaǵdaı jasaldy. Saıası naýqan qoǵamdaǵy árbir azamat Parlamentke múshe bola alatynyn jáne «áleýmettik lıft» jumys isteıtinin aıqyn ańǵartty. Ádiletti qoǵamnyń qalyptasýy degenimiz – osy!
Bul saılaý úmitkerlerge qoıylatyn talap ózgergenin kórsetti. Qazir turǵyndarmen tyǵyz qarym-qatynas ornatý óte mańyzdy. Muny durys túsinip, elmen etene aralasa bilgen úmitkerler halyq saılaǵan ókil atandy. Saılaýshylar óziniń muń-muqtajyn biletin jáne múddesin qorǵaı alatyn azamattarǵa daýys berdi», - dedi ol.