Elimizde qan alý kabınetterinde dybys jazatyn beınekameralar ornatylmaq.
Analızge qan alatyn kabınetterde aýdıojazba fýnksıasy bar beınebaqylaý kameralary ornatylýy múmkin. Bul týraly Densaýlyq saqtaý mınıstrliginiń ashyq talqyǵa shyǵarǵan tıisti buıyryǵynda jazylǵan, dep habarlaıdy Almaty-akshamy.kz
Aýdıo, beıne jazatyn tehnıkalyq quraldar qan alý kabınetinde qoldanylady. Aýdıo, beınejazba pasıenttiń nemese onyń zańdy ókiliniń kelisimimen ǵana júzege asyrylady.
«Aýdıojazba fýnksıasy bar beınebaqylaý kameralaryn qan alý kabınetterinde ornatý pasıentter tarapynan shaǵymdardy taldaý kezinde máselelerdi sheshýge, sondaı-aq personal jumysynyń sapasyn tirkeýge múmkindik beredi», - delingen vedomstvo jazbasynda.
Qujatty ashyq talqylaý 27 qańtarǵa deıin jalǵasady.