Aldyn ala málimetter boıynsha 40 adam qaza tapqan.
Nepaldyń Pokhara qalasynda ishki reıs ushaǵy apatqa ushyrap, 40 adam qaza tapty, dep habarlaıdy Almaty-akshamy.kz rbc.ru agenttigine silteme jasap.
«Yeti Airlines» kompanıasynyń jolaýshylar ushaǵynda 68 jolaýshy bolǵan, ekeýi – bala, tórteýi – ekıpaj múshesi. Aldyn ala málimetter boıynsha, jolaýshylardyń barlyǵy kóz jumǵan. Osy ýaqytqa deıin 40 máıit tabylǵan.
Nepal azamattyq avıasıa basqarmasynyń ókili Djagannath Nırýla kúnniń ashyq bolǵanyn atap ótti. «Keme Setı shatqalynan áýejaımen tańǵy saǵat 10:50-de (Grınvıch ýaqyty boıynsha 05:05) baılanysqa shyqty», - delingen avıasıalyq mekemeniń málimdemesinde. Sodan keıin ol apatqa ushyrady.
Nepal astanasy Katmandýdan Pokharý áýejaıyna ushyp kelgen ushaq qonar kezde órtengen. Ushaq ekige bólinip, jartysy taý baýraıynda, qalǵan jartysy ózen shatqalyna qulap ketken. Apattyń sebebi belgisiz.
Áýe kemesi qulaǵan mańda júzdegen qutqarýshy jumys istep jatyr.