Energetıka mınıstrleri tıisti kelisimge qol qoıdy.
Qazaqstan, Qyrǵyzstan jáne Ózbekstan Qambar ata sý elektr stansıasyn birlesip salady, dep habarlaıdy Almaty-akshamy.kz
Qyrǵyzstan aýmaǵynda jeke aksıonerlik qoǵam qurylady: qatysý úlesi qyrǵyz tarapy 34%, qazaq tarapy 33%, ózbek tarapy 33% deńgeıinde bolady.
«Venada (Aýstrıa) Qyrǵyzstannyń Dúnıejúzilik bankpen jáne Avstrıa úkimetimen birlesip uıymdastyrǵan Halyqaralyq energetıkalyq ınvestısıalyq forýmy bastaldy. Forýmnyń negizgi taqyryptarynyń biri Qambar ata GES-1 qurylys jobasy boldy», - dep jazylǵan Energetıka mınıstrliginiń baspasóz qyzmeti taratqan habarlamada.
Osy jobany júzege asyrýǵa arnalǵan arnaıy sesıa aıasynda Qazaqstannyń energetıka mınıstri Almasadam Sátqalıev, Qyrǵyz Respýblıkasynyń energetıka mınıstri Talaıbek Ibraev jáne Ózbekstan energetıka mınıstri Jýrabek Mırzamahmýdov Qambar ata GES-1 qurylys jáne paıdalaný jobasyn daıyndaý boıynsha vedomstvoaralyq kelisimge qol qoıdy.