Bıyl almatylyq tártip saqshylary qalta urlyǵymen aınalysqan 120 kúdiktini anyqtady, – dep habarlaıdy almaty-akshamy.kz Polisia.kz-ke silteme jasap.
Krımınaldyq polısıanyń arnaıy toby bul sandy 10 aılyq jumystyń qorytyndysy boıynsha keltirip otyr. Al “Quqyqtyq tártip” jedel aldyn alý is-sharasy barysynda jedel ýákilder 44 qalta urysyn ustady.
– Olardyń biri – qoǵamdyq kólikte urlyq jasap júrgen 63 jastaǵy I.esimdi azamat. Qaskóı qarbalas ýaqytta kezekti urlyǵyn jasaýǵa shyqqan. 201-baǵyttaǵy qoǵamdyq kólikte er adam jolaýshynyń kúrtesiniń qaltasynan Samsung telefonyn urlap ketken. Alaıda ony jedel ýákil ustap aldy. Kúdikti qazir qamaýda. Áýezov aýdandyq polısıa basqarmasynda sotqa deıingi tergeý bastaldy, – dep aıtyldy Almaty qalalyq PD krımınaldyq polısıa basqarmasynda.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.