192 adam Almaty qalasynyń Qoǵamdyq keńesiniń quramyna ený úshin saılaýǵa qatysady.
Almatyda Qoǵamdyq keńeske kandıdattardy irikteý jónindegi jumys tobynyń otyrysy ótti. Onyń qorytyndysy boıynsha, 192 adam Almaty qalasynyń Qoǵamdyq keńesiniń quramyna ený úshin saılaýǵa qatysady, dep habarlaıdy Almaty-akshamy.kz
Aıta ketý kerek, úmitkerlerdiń 40%-y áıelder. Baıqaýǵa qatysýshylar arasynda ÚEU ókilderiniń úlesi basym - 40%-dan astam. Úmitkerlerdiń 20%-dan astamy - jastar. Sonymen qatar, bilim berý salasynyń ókilderi ótinish berýshilerdiń jalpy sanynyń 10%–yn, densaýlyq saqtaý – 5%–yn jáne mádenıet - 6%-yn qurady.
Sondaı-aq, qujattardy BAQ ókilderi de tapsyrdy, olardyń sany 5%-dan asty.
Úmitkerler kelesi kezeńde 25-29 sáýir aralyǵynda ótetin suhbattasý úshin toptarǵa bólinedi. Áńgimelesý kezeńinde kandıdattardyń ózin tanystyrýy úshin sóz sóıleýleri qarastyrylǵan, osymen birge quzyret, tıimdilik jáne motıvasıa boıynsha suraqtarǵa jaýap beretin bolady.
Ár qatysýshyǵa pikirsaıys formatynda ózi týraly, óz jetistikteri jaıly jáne Almaty qalasy Qoǵamdyq keńesiniń quramyna saılaný úshin óz kandıdatýrasyn usyný maqsattary týraly aıtýǵa múmkindik beriledi.
Áńgimelesýdi ótkizý kestesi men kandıdattar tizimi Almaty qalasy máslıhatynyń saıtynda qoljetimdi. Saılaý prosesiniń ashyqtyǵyn, transparenttiligin jáne ádildigin qamtamasyz etý úshin barlyq suhbattar tikeleı efırde kórsetiledi.
Esterińizge sala keteıik, jumys tobynyń barlyq otyrystaryna táýelsiz baıqaýshylar qatysady.
Saılaýdy ótkizý qorytyndysy boıynsha, buryn habarlanǵandaı, Almaty qalasy Qoǵamdyq keńesiniń 39 múshesi saılanady, onyń 36-sy - qoǵamnyń jáne 3-i - memlekettik organdardyń ókilderi.
Siltemeler: http://www.mga.kz/live/, https://aitube.page.link/TDRj, https://www.youtube.com/c/AlmatyUS/featured.