Qazaqstan Úkimetinde daǵdarysqa qarsy qosymsha sharalar qaraldy
Otyrys barysynda Úkimettiń syrtqy ekonomıkalyq jáne geosaıası faktorlardyń qazaqstandyq óndirýshilerge áserin muqıat qadaǵalap otyrǵany atap ótildi, dep habarlaıdy Almaty-akshamy.kz Primeminister.kz silteme jasap.
Otandyq kompanıalardyń odan ári damýy jáne ákimshilik júktemeni tómendetý úshin birqatar jańa qoldaý sharalaryn engizý usynylady. Osylaısha, memlekettik satyp alý aıasynda óz mindettemelerin oryndaý kezinde fors-majorlyq jaǵdaılarǵa (logıstıkalyq dálizderdiń jabylýy, jetkizilimderdiń ýaqytyly oryndalmaýy jáne t. b.) tap bolǵan kompanıalardy Josyqsyz jetkizýshiler tizilimine engizbeý tetikterin pysyqtaý usynylady.
Sonymen qatar aýyl sharýashylyǵy óndirýshilerin qoldaý úshin saqtandyrý syıaqylaryn memlekettik sýbsıdıalaý kólemin ulǵaıtý usynylady. Sondaı-aq elimizde shyǵarylatyn aýyl sharýashylyǵy tehnıkasynyń jeńildikti lızıńin keńeıtý týraly usynys qoldaý tapty. QR Premer-Mınıstri usynystardy qoldap, olardy júzege asyrý máselelerin pysyqtaýdy tapsyrdy.