1700-den asa páteri bar Gulder turǵyn úı keshenine kiretin negizgi qaqpa jabylyp qalýy múmkin.
Óıtkeni, kireberis aýmaq jekemenshikke tıesili eken. Qaqpanyń bir qaptaly qorshalyp, qurylys jumystary bastalǵanyn kórgen turǵyndar dabyl qaqty, dep habarlaıdy Almaty-akshamy.kz.
«Turǵyn úıdi salǵan qurylys kompanıasy bolsa turǵyndarǵa basqa jerden jol ashyp beremiz, depti. Qosalqa qaqpa kólikterge de, jaıaý júrginshilerge de qolaısyz», - deıdi jurt.
24.kz-tiń aqparatyna súıensek, Raıymbek dańǵylynyń boıynda ornalasqan Gulder turǵyn úı kesheni 2020 jyldan bastap paıdalanýǵa berilgen. Qazir 7 myńǵa jýyq adam turady. Kúre joldyń boıynda ornalasqan negizgi qaqpa jabylady, degen aqparatty estigen turǵyndar alańdaýly. Qurylys kompanıasy aıtqan qosalqy jol turǵyndarǵa múldem qolaısyz eken.
«Men ózim kópbalaly anamyn, balalarymmen ótip shyǵý maǵan yńǵaıly. Endi bizge usynyp jatqany bulardyń óte tar kóshe myna jaqta Ábishov degen kóshe ony baryp kórgender bar shyǵar. Óte tar, júrý múmkin emes. Birinshiden júrý múmkin emes, ekinshiden balalarymmen men avtobýsqa deıin uzaq aınalyp júrk kerekpin. Ýaqyt ketedi, ol maǵan óte yńǵaısyz jáne tıimsiz», - deıdi turǵyndardyń biri Aıgerim Isaǵalıeva.
«Qazirgi qaqpany jaýyp tastamaqshy, sebebi ol jerdiń ıesi basqa adam eken. Úı satqan kezde mundaı másele bar ekenin aıtpady. Raıymbek dańǵylyna tike shyǵasyzdar dep aıtty. Biz qazirgi qaqpany qadyrýyn suraımyz. Qurylys kompanıasy bizdi aldap ketti dep oılaımyn», - deıdi úı turǵyny Rabıǵa Smaılova.
Qosalqy qaqpa arqyly Raıymbek dańǵylyna shyǵý úshin bir shaqyrym joldy aınalyp júrý kerek eken. Ekinshiden ondaǵy jeke úıdiń ıeleri myńnan asa adam men kóliktiń kirip, shyǵýyna qarsy. Qala ortasynda qamalyp qalmaıyq degen turǵyndar jaýaptylarmen kezdesip, talaptaryn jetkizdi. Qaqpa jabylatyn bolsa, qurylys kompanıasyn sotqa beremiz, deıdi ashýly jurt.
«Turǵyndarmen kezdesýge deıin bizdiń Almaty qalasy boıynsha basshysymyz myna jer teliminiń ıesimen kezdesti. Juma kúnge deıin máseleni sheshýge kelisti. Basshylyqtyń aıtýynsha, bul másele sheshim tabady. Iaǵnı, bul qaqpa Gúlder turǵyn úıiniń ıeliginde qalady», - deıdi qurylys kompanıasynyń servıstik qyzmet kórsetý dırektory Eldar Kabdrahmanov.
«Satýshy men satyp alýshy ortasyndaǵy kelisim. Endi satýshy óziniń mindetin oryndaý kerek qoı. Eger satýshy óziniń mindetin oryndamasa, bul jerdi satyp almaımyn dese ondaı bolsa ákimdik mindetti túrde buǵan nazar aýdarady. Kezdesýge kelgen qurylys kompanıasynyń ókili turǵyndar talabyn apta sońyna deıin oryndaıtynyn aıtty. Al Naýryzbaı aýdany ákimdigi ýádeniń oryndalýyn baqylaımyz deıdi», - deıdi Naýryzbaı aýdany ákimdiginiń bólim basshysy Nurbol Beısekov.