Bul týraly Almaty ákimi Erbolat Dosaev máslıhattyń kezekten tys XII sesıasynda málimdedi. Qala basshysy bıyl jyl basynda bastalǵan sheber jospar boıynsha jumys jeltoqsan aıynda aıaqtalatynyn atap ótti. Qujat máslıhat depýtattary men jurtshylyqqa tanystyryldy, dep habarlaıdy almaty-akshamy.kz
«Árıne, bul júrdek qoǵamdyq kólikke negizdelgen. Máselen, eger 2023 jyldyń basynda bizde qalada 550 myń jeke avtokólik tirkelgen bolsa, qarasha aıynyń basynda qalada 620 myń kólik boldy. Qalaǵa kirip-shyǵatyn kólikterdi eskersek, 1,1 mln-ǵa jetedi. Qoǵamdyq kólikti damytý ǵana osy máseleni sheshe alady», - dedi Erbolat Dosaev.
Buǵan qosa, sheber josparda dızelden tolyqtaı bas tartyp, gazben jáne elektrmen júretin avtobýstarǵa kóshý arqyly qoǵamdyq kólikti ekologıalandyrý máselesin sheshý kózdelgen. Infraqurylymdy damytý, marshrýttardy ońtaılandyrý jáne basqa da zamanaýı syn-qaterler boıynsha usynystar bar.