Oǵan Qazaqstan, Ózbekstan, Túrkimenstan jáne Grýzıa elderinen kelgen qolóner sheberleri qatysady.
24-26 jeltoqsanda Memlekettik ortalyq mýzeıi «Baqyt» sándik-qoldanbaly óner ortalyǵymen birlesip, jańa jyldyq jármeńkesin ótkizedi, dep habarlaıdy Almaty-akshamy.kz
İs-sharanyń maqsaty - ár halyqtyń ózindik ereksheligin, halyqtardyń materıaldyq jáne materıaldyq emes mádenı murasynyń mańyzdy bóligin aıqyndaıtyn qundylyq retinde halyqtyq kórkem qolónerdi saqtaý jáne damytý, sondaı-aq elder arasyndaǵy dostyq qatynastardy nyǵaıtý.
Dástúr boıynsha, jármeńke kúnderi qonaqtar úshin mýzeıdiń barlyq ekspozısıalyq zaldary, sondaı-aq mýzeı qorynan ýaqytsha kórmeler ashylady. Olardyń qatarynda «QR Táýelsizdiginiń 30 jylyndaǵy Ortalyq memlekettik mýzeıiniń jetistikteri» (QR Memlekettik ortalyq mýzeı qorynan); QR Táýelsizdiginiń 30 jyldyq mereıtoıyna oraı etnograf-ǵalym Táttigúl Qartaıdyń «Etnografıalyq ekspedısıa kúndeliginen» atty fotokórmesi jáne «Kıimniń kıelisi - kımeshek» atty kórmesinde HİH-HH ǵǵ. ekinshi jartysyndaǵy Qazaqstannyń ártúrli aımaqtarynan kelgen qazaq áıelderiniń bas kıimderi men olarǵa zergerlik áshekeıler QR ortalyq memlekettik mýzeıiniń qorynan alyndy.
Jármeńke-kórmeniń jumys ýaqyty: 24 – 26 jeltoqsan, saǵat 9.00-den 18-ge deıin jalǵasady.