Almatyda álemniń úshinshi polúsindegi ósimdikterdiń alýantúrliligin saqtaý jónindegi İİİ halyqaralyq sımpozıým bastaldy, dep habarlaıdy aqshamnews.kz
QR Prezıdenti janyndaǵy Ulttyq ǵylym akademıasynyń uıymdastyrýymen ótip jatqan İİİ Halyqaralyq sımpozıýmǵa Qytaı ǵylym akademıasynyń akademıgi Hang Sýn, Ózbekstan Ulttyq ǵylym akademıasynyń akademıgi Komıljon Tojıboev, 14 elinen júzden asa tanymal ǵalymdar qatysýda.
Jetekshi ǵalymdar 5 kún boıy ósimdikterdiń genetıkalyq resýrstaryn saqtaý salasyndaǵy jahandyq syn-qaterlerdi talqylaıdy, jabaıy florany zertteý men saqtaý jóninde baıandamalar jasaıdy, sheberlik-sabaqtaryn ótkizedi.
Sımpozıým aıasynda aımaqtaǵy ósimdikterdiń bıoalýantúrliligin zertteý úshin Ortalyq Azıa jelisi qurylady. Jeli aıasynda 15 joba júzege asyrylady.