Memleket basshysynyń turaqty ekonomıkalyq ósýdi qamtamasyz etý jónindegi tapsyrmalaryn oryndaý sheńberinde Úkimet otyrysynda eldiń 2026-2028 jyldarǵa arnalǵan áleýmettik-ekonomıkalyq damý boljamy qaraldy, dep habarlaıdy aqshamnews.kz
Negizgi makroekonomıkalyq ındıkatorlar týraly Premer-mınıstrdiń orynbasary – ulttyq ekonomıka mınıstri Serik Jumanǵarın baıandady.
Boljam negizgi senarı negizinde qalyptasady. Oǵan sáıkes 2026 jyly JİÓ-niń naqty ósýi 5,4%-dy quraıdy, al úsh jyldaǵy ortasha jyldyq qarqyn 5,3%-ǵa jetedi. Nomınaldy JİÓ 2026 jyly 183,8 trln teńgeden 2028 jyly 229,8 trln teńgege deıin ósedi.
Ekonomıkanyń ósýiniń negizgi draıverleri naqty sektor men qyzmet kórsetý salasy bolady. Óńdeýshi ónerkásipte ınvestısıalyq jobalardy júzege asyrý esebinen ósý qarqynynyń 2026 jylǵy 6,2%-dan 2028 jyly 6,6%-ǵa deıin ulǵaıýy boljanady. Qurylystaǵy úsh jyldaǵy ortasha ósim 11,0%, kólik salasynda – 10,1%, saýdada – 6,7% deńgeıinde kútilýde.
Mınıstr boljamdy kezeńde oń saýda balansy saqtalatynyn atap ótti. Eksport 2026 jyly $77,1 mlrd-tan 2028 jyly $83,7 mlrd-qa deıin, ımport – $67,7-dan $75,2 mlrd-qa deıin ósedi. Inflásıa boıynsha boljam 2028 jylǵa qaraı 5,0 – 7,0% deńgeıinde aıqyndaldy.
Makro boljamnyń negizinde aldaǵy úsh jyldyq kezeńge arnalǵan búdjet parametrleri qalyptastyryldy. Respýblıkalyq búdjettiń kiristeri 2026 jyly 19,2 trln teńgeni quraıdy, keıinnen 2028 jyly 23,2 trln teńgege deıin ósedi dep boljanýda. Ulttyq qordan kepildendirilgen transfert jyl saıyn 2, 77 mlrd teńge mólsherinde aıqyndalay.
Búdjet tapshylyǵy 2026 jyly JİÓ-ge 2,5% deńgeıinde aıqyndaldy, 2028 jyly JİÓ-ge 0,9%-ǵa deıin tómendedi. Bul rette munaı emes tapshylyq JİÓ-ge qatysty 4,9%-dan 2,7%-ǵa deıin qysqarady.
«Kirister men shyǵystardyń osyndaı kólemderinde búdjet nysanaly transfert túrinde Ulttyq qordan qosymsha qarajat tartýdyń qajettiliginsiz ózin-ózi qamtamasyz etedi», - dep atap ótti vıse-premer.