1 aqpan men 23 maýsym aralyǵynda qalada barlyǵy 407 974 adamǵa ekpe salynǵan.
Almaty qalasy Qoǵamdyq densaýlyq basqarmasynyń baspasóz qyzmeti taratqan málimetke sáıkes, Almaty qalasynda bir táýlikte 9 449 adam koronavırýsqa qarsy vaksına saldyrdy, dep habarlaıdy Almaty-akshamy.kz
Basqarma taratqan málimet boıynsha, 24 maýsym kúni 9 449 almatylyq vaksına saldyrdy. Bıylǵy jyldyń 1 aqpany men 23 maýsym aralyǵynda qalada barlyǵy 407 974 adamǵa ekpe salyndy. Vaksına alǵandardyń jalpy sanynan 60 jastan asqan qart kisiler - 59 590. Qalada 208 pýnkt jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medısınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaksınasıa pýnkti jumys isteıdi» - dep naqtylady Qoǵamdyq densaýlyq saqtaý basqarmasy. «Qala boıynsha vaksınanyń qaldyǵy – birinshi komponenttiń 55 572 dozasy jáne ekinshi komponenttiń 92 346 dozasy bar», - dep habarlady Almaty qalasy Qoǵamdyq densaýlyq basqarmasynyń baspasóz qyzmeti.