Polıseıler kamera qylmystyń azaıýyna sebep boldy dep otyr.
Almatyda 128 myń beınebaqylaý kamerasy iske qosylǵan, dep habarlaıdy Almaty-akshamy.kz Polisia.kz-ke silteme jasap.
Almaty polısıasynyń málimetinshe, qalada 128 186 beınebaqylaý kamerasy ornatylǵan. Onyń ishinde «Qaýipsiz aýla» qaǵıdaty boıynsha kóp qabatty úılerde 4 251 beınekamera; adam kóp shoǵyrlanatyn oryndardy beınebaqylaý júıesi jobasy aıasynda 1 103 beınekamera; kóshelerdiń jelilik ýchaskelerinde, kireberis jáne shyǵý, sondaı-aq, kóshe qıylysynda 5 892 beınekamera, onyń ishinde 5 034 kameradan turatyn 776 «Sergek» QHA beketi bar. Olardyń kómegimen 2022 jyldyń 6 aıynda 364 988 jol qozǵalysy erejesin buzý deregi tirkeldi. Bilim berý nysandarynda 11 979 beınekamera, mektepke deıingi mekemelerde 6 132; densaýlyq saqtaý nysandarynda 3 008 kamera; sport nysandarynda 1 932 kamera; qoǵamdyq oryndarda 1 322 beınekamera; ártúrli menshik nysanyndaǵy obektilerde 98 355 kamera; qoǵamdyq kólikte 1 437 beınekamera jáne t.b. jumys istep tur.
Sondaı-aq, PD-de beınebaqylaý júıelerimen jumys isteýdiń oń áseri bótenniń múlkin urlaý, onyń ishinde qalta urlyǵynyń tirkelýiniń tómendeýine de áser etkenin atap ótti.