Jýyrda Almaty qalalyq ardagerler keńesi prezıdıýmynyń keńeıtilgen otyrysy ótip, onda «Elimizdiń Prezıdenti Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Qazaqstan halqyna Joldaýyn iske asyrýdaǵy qalalyq ardagerler keńesiniń mindetteri týraly, Áýezov aýdandyq ardagerler keńesiniń «Amanat» partıasy qalalyq fılıalymen birlesken jumysy týraly máseleler qaraldy, sonymen qatar qalalyq ardagerler keńesi prezıdıýmynyń úndeýi qabyldandy, dep habarlaıdy Almaty-akshamy.kz
QR Prezıdentiniń Joldaýyn júzege asyrý sharalary týraly baıandamasynda:
«Bıylǵy Joldaý azamattardyń ómir súrý deńgeıin arttyrýǵa baǵyttalǵan. Eń tómengi bazalyq zeınetaqy mólsherlemesin eń tómengi kúnkóris deńgeıiniń 70%-ǵa, eń joǵary deńgeıin 120%-ǵa deıin ósirý sıaqty sharalar, sondaı-aq Memleket basshysynyń otbasyn qoldaýǵa baǵyttalǵan jańa «Ulttyq qor - balalarǵa» baǵdarlamasyn daıyndaý týraly bastamasy qala ardagerler qaýymynyń maquldaýy men qoldaýyna ıe boldy», – dedi qalalyq ardagerler keńesiniń tóraǵasy Ahan Bıjanov.
QR Prezıdentiniń Joldaýyn qoldap, Naýryzbaı jáne Túrksib aýdandyq ardagerler keńesiniń tóraǵalary Mádenıet Qarkenov pen Ǵalıa Baıǵutdınova, «Shańyraq» áleýmettik qyzmet kórsetý ortalyǵynyń dırektory Turarbek Tumanshıev sóz sóıledi.
Almaty qalalyq ardagerler keńesi prezıdıýmynyń músheleri 230 myń ardagerdiń atynan qazaqstandyqtar men qala turǵyndaryna Respýblıka Prezıdentiniń Qazaqstandaǵy qaıta qurý prosesiniń mańyzdy kezeńine aınalatyn bastamalaryn jáne aldaǵy kezekten tys saılaýdy qoldaý týraly úndeý joldaýǵa biraýyzdan sheshim qabyldady.