Qazaqstanda orta bilim berý uıymdarynyń 67%-y (5236 mektep) aýdandyq jáne aýyldyq jerlerde ornalasqan, bul bilim berý oshaqtarynda 1,6 mıllıon bala oqıdy.
Qalalyq jáne aýyldyq mektepter úshin biryńǵaı bilim berý standarttary engizilýde, dep habarlaıdy Oqý-aǵartý mınıstrliginiń baspasóz qyzmeti.
Memleket basshysynyń tapsyrmasyna sáıkes taıaýdaǵy úsh jyl ishinde elimizdiń barlyq óńirinde 1231 mektepti renovasıalaý josparlanýda, onyń ishinde 820 mektep aýyldyq jerlerde ornalasqan.
Oqý-aǵartý mınıstrligimen mektepterdi renovasıadan ótkizýdiń jıyntyq jospary bekitildi, oblys ákimdikteri 2025-2027 jyldarǵa arnalǵan óńirlik josparlardy ázirledi. Renovasıadan ótkizýde mektepterdi kúrdeli jóndeý, zamanaýı pándik kabınettermen jabdyqtaý, mektep jıhazdaryn jańartý, kitaphanalar men asqanalardy jańǵyrtý, sport zaldaryn salý nemese rekonstrýksıalaý, qoǵamdyq keńistikterdi jabdyqtaý, sondaı-aq qaýipsizdik júıelerimen qamtamasyz etý qarastyrylǵan.
Bul sharalar mektepterdiń materıaldyq-tehnıkalyq bazasyn jaqsartýǵa, ınovasıalyq bilim berý tehnologıalaryn engizýge jáne pedagogterdiń biliktiligin arttyrýǵa múmkindik beredi.
Joba úsh jylda júzege asyrylady: 2025 jyly 262 mektep, 2026 jyly 436 mektep, 2027 jyly 466 mektep. Qosymsha 2028-2029 jyldary Jambyl oblysynda 67 mektep jańǵyrtylady.