14-29 jas aralyǵyndaǵy azamattardyń jalpy sanynan NEET úlesi 6,3% (440 myńnyń 27,7 myńy) quraıdy.
Almatyda bilimmen, jumyspen nemese biliktilikti arttyrýmen qamtylmaǵan jastardyń úlesi (aǵylsh. NEET-not in Education, Employment or Training), 2025 jylǵa qaraı qazirgi 6,3%-dan 4,5%-ǵa deıin jáne 2030 jylǵa qaraı 3%-ǵa deıin qysqartý josparlanyp otyr, dep habarlaıdy Almaty-akshamy.kz
«Almaty qalasyn damytýdyń 2025 jylǵa deıingi baǵdarlamasynda jáne 2030 jylǵa deıingi orta merzimdi perspektıvalarynda» jastardyń ózin-ózi damytýy men damýy úshin teń múmkindikter jasaýǵa baǵyttalǵan sharalar kesheniniń kútiletin nátıjeleri osyndaı bolýy tıis ekeni qarastyrylǵan.
Resmı statısıka boıynsha, Almatyda 14-29 jas aralyǵyndaǵy azamattardyń jalpy sanynan NEET úlesi 6,3% (440 myńnyń 27,7 myńy) quraıdy. Jyl saıyn qala turǵyndarynyń bul sanaty joǵary oqý oryndaryn, onyń ishinde basqa qalalardan kelgen túlekter esebinen tolyqtyrylady, óıtkeni túlekterdiń jalpy sanynan shamamen 12 myń adam oqý bitirgennen keıin bir jyl ishinde jumys taba almaıdy.
Oqý oryndarynyń túlekterin áleýmettik beıimdeý jáne jumysqa ornalastyrýdyń tıimdi prosesi úshin jastar saıasatyn damytýdyń memlekettik qory bazasynda 2022 jyly joǵary oqý oryndarynyń, jumys berýshiler men memlekettik organdardyń mansap ortalyqtarynyń ózara is-qımyl júıesin engize otyryp, qalalyq mansap ortalyǵy qurylatyn bolady.
Budan ózge, 2022 jyldan bastap jyl saıynǵy negizde joǵary oqý oryndary men kolejderge túsý úshin, onyń ishinde joǵary oqý ornynan keıingi bilim alýǵa, sondaı-aq kásipkerlik daǵdylarǵa oqytý úshin jastardy kásiptik baǵdarlaý uıymdastyrylatyn bolady. Sondaı-aq, "Jańa kásipter atlasyna" sáıkes kolejderdiń bilim berý baǵdarlamalaryn transformasıalaý, jalpy qalalyq bos jumys oryndary jármeńkelerin ótkizý, sondaı-aq joǵary oqý oryndary men kolejder túlekteriniń bir bóligin oqýdy bitirgennen keıingi birinshi jyly jumysqa ornalastyrýdy memlekettiń sýbsıdıalaý josparda bar.
Bilimi joq NEET sanatyndaǵy jastardy jumysqa ornalastyrý úshin 2023 jyldan bastap eńbek naryǵynda suranysqa ıe ózekti mamandyqtar boıynsha, eń aldymen ekonomıkanyń servıstik, IT-sektorlary úshin, sondaı-aq qurylys salasy úshin jumys kásipteri boıynsha oqytý baǵdarlamasyn iske qosý josparlanýda, ol jylyna 10 myń jasty qamtıdy.
Jastar arasynda nashaqorlyqtyń aldyn alý maqsatynda qalanyń 8 aýdanynda 2022 jyldyń ekinshi jartysynan bastap «NarkoЅTOR» ortalyqtary qurylyp, oǵan jastarmen jumys isteý úshin kásibı kadrlar tartylatyn bolady.
Budan basqa, jastar arasynda salaýatty demalysty uıymdastyrýǵa jáne SÓS qundylyqtaryn ilgeriletýge, sondaı-aq stýdentterdi jataqhanalardaǵy oryndarmen qamtamasyz etýge birqatar sharalar baǵyttalatyn bolady.
Aǵymdaǵy búdjet pen ınflásıany eskere otyryp, jastardy qoldaýdyń qoldanystaǵy sharalaryna 2025 jylǵa deıin kútiletin qosymsha shyǵyndar jergilikti búdjetten 18,3 mlrd teńgege baǵalanady. 2026 jyldan 2030 jylǵa deıingi kezeńde kútiletin qosymsha shyǵyndar – 32 mlrd teńge.