Almatyda tuńǵysh ret jasóspirimder arasynda qobyzdan saıys ótti
Saıystyń gala konserti «Alataý» dástúrli óner teatrynda el Táýelsizdiginiń 30 jyldyǵy men Qala kúnine oraı uıymdastyryldy. Dodada elimizdiń túkpir-túkpirinen kelgen 18 jasqa deıingi jasóspirimder baq synasqan, dep habarlaıdy Almaty-akshamy.kz Almaty.tv saıtyna silteme jasap.
«İs sharanyń basty maqsaty – ulttyq ónerimizdi nasıhattaý jolynda ǵasyrlar qoınaýynan syr shertetin dala únin, ıaǵnı qobyzdyń únin, búgingi tańda jastarǵa tálimdik taǵylymy mol dúnıeni tanytý», – dedi qalalyq mádenıet basqarmasy basshysynyń orynbasary Danıar Álıev.
Qorqyttyń izin jalǵastyrýshy ónerpaz urpaqtar sany jyl saıyn artyp keledi. Saıdyń tasyndaı saıyskerlerdiń baǵasyn beretin ádil qazylar alqasy olardan úlken úmit kútetinin jetkizdi.
«Osy baıqaýǵa qatysqanyma óte qýanyshtymyn. Sebebi Táýelsizdik alǵaly beri 30 jylda kóptegen jas talanttar shyǵyp jatyr. Osyndaı baıqaýlar kóp bolsyn deımin. Jalpy, ulttyq oryndaýshylardyń deńgeıi ósip kele jatyr», – dedi prıma-qobyzshy Ǵazıza Ǵabrahımova.
«14 oblys, 2 qaladan qatysyp, búgingi kúnde 12 qobyzshy alǵa shyǵyp otyr. Endi búgin taǵy da tórteýin, jeke darasyn tańdaımyz», – dedi «Jeltoqsan 1986. Táýelsizdik qyrandary» qoǵamdyq birlestiginiń tóraıymy Gúlbahram Júnis.
Baıqaý qorytyndysy boıynsha, bas júldeni 13 jasar Janahmetova Baıan utyp aldy.