Almatyda kezekti toıǵa barǵan 40 adam anyqtaldy
Almatyda kezekti toıdyń toqtatylǵany týraly aqparatty monıtorıńtik top ókilderi jarıalady. Tekseris júrgizýshiler 11 qyrkúıek kúni keshki jetiden keıin Jetisý aýdanyndaǵy «Danıar» meıramhanasynda tártip buzýshylyqty anyqtady, dep habarlaıdy Almaty-akshamy.kz.
Monıtorıńtik top ókilderi habarlaǵandaı, bankette 40-qa jýyq adam bolǵan. Atalǵan fakt boıynsha sanıtarlyq-epıdemıologıalyq baqylaý basqarmasyna berý úshin ákimshilik materıal jınaldy.
Esterińizge sala keteıik, aýrý deńgeıiniń tómendeýine qaramastan, Almatyda adamdar kóp jınalýymen ótetin barlyq is-sharalarǵa áli de tyıym salynǵan. Qala turǵyndary men qonaqtaryn banketterge, úılený toılaryna barmaýǵa shaqyrady, óıtkeni onda koronavırýstyq ınfeksıanyń sımptomsyz tasymaldaýshylary bolýy múmkin.
9-12 qyrkúıek aralyǵynda Almatyda zańdy tulǵalar tarapynan karantındik sharalardyń 34 buzylýy anyqtaldy.
Jyl basynan beri 39 051 nysan tekserilip, karantındik sharalar buzylǵan 3708 nysan anyqtaldy. 5847 hattama, onyń ishinde zańdy tulǵalarǵa 220 165 910 teńge somasyna 628 hattama toltyryldy. Jeke tulǵalarǵa qatysty betperde rejımin buzǵany úshin 229 655 410 teńge somasyna 5219 hattama jasaldy.
Karantındi qasaqana buzýshylarǵa qatysty sottarǵa 76 is berildi, onyń ishinde 67 materıal boıynsha qyzmetti toqtata turý týraly sheshimder qabyldandy.
Sonymen qatar, osy kúnderi monıtorıńtik toptar 108 avtobýs pen troleıbýsta betperde rejıminiń saqtalýyn tekserdi. Epıdemıologtardyń aıtýynsha, koronavırýsty juqtyrýdyń yqtımal oryndarynyń arasynda qoǵamdyq kólik kórsetilgen, bul segmentte tekserýshilerdiń jumysy kúsheıtilgen. Olar jolaýshylar men kólik júrgizýshileriniń betperdeni durys kıýin qadaǵalaıdy.
Mysaly, 13-14 qyrkúıekte Almatyda qoǵamdyq kólikte betperde rejımin saqtamaǵany úshin QR ÁQBtK-niń 425-baby 1-bóligi boıynsha 52 jeke tulǵa jáne 1 zańdy tulǵa ákimshilik jaýapkershilikke tartyldy. Eki kún ishinde 222-den astam avtobýsqa monıtorıń júrgizildi. Qaladaǵy kelesi marshrýttarda buzýshylyqtar anyqtaldy: №34, 36, 72, 73, 102, 135, 217, 120, 25, 65, 66, 5, 19, 66, 141, 29, 202, 78, 23, 47, 118, 16, 67, 11.
Jyl basynan beri qoǵamdyq kólikte 688 avtobýsqa monıtorıń júrgizilip, jolaýshylar arasynda 140 tártip buzýshy anyqtaldy.