Almatyda qar tazalaý úshin 47 patrúldik brıgada jumyldyryldy
Saǵat 14:00-den bastap Almaty qalasynda silbi qar jaýa bastady. Dıslokasıa oryndarynda 118 qum taratqysh kezekshilik etýde. 130 birlik shaǵyn kólemdi arnaıy tehnıkanyń kúshimen trotýarlar qardan tazartylýda.
Kóktaıǵaqtyń aldyn alý maqsatynda 47 patrúldik brıgada, 386 birlik arnaıy tehnıka jáne 1120 jol jumysshysy jumyldyryldy. Qardan tazartylatyn kóshe-jol jelisiniń jalpy alańy 25 mln. m2, sondaı-aq 3 339 aýla aýmaǵy bar.
Tazalaý kestesi táýlik boıy: saǵat 08.00-den 17.00-ge deıin kúndizgi aýysym, 20.00-den 05.00-ge deıin túngi aýysym.
Qysqy kezeńde qardy jınaýdy «Almaty Tazalyq» komýnaldyq memlekettik kásiporny, sondaı-aq 9 jeke kompanıa júzege asyrady. Qardan tazartý jumystary joldarda, jaıaý júrginshiler aımaqtarynda, ortaq keńistikterde, jer ústi ótkelderi men trotýarlarda, velosıped joldarynda,qoǵamdyq kólik aıaldamalarynda júrgizilýde. Bıylǵy qysqy kezeńniń basynan beri 36 myń m3 qar shyǵaryldy.