Májilistiń jalpy otyrysynda Godýnova Eýropalyq qaıta qurý jáne damý banki men Islam damý bankiniń Qazsýshar úshin alynǵan qaryzdary sheńberinde 2017 jyldan bastap 317 mln dollar somasyna 61 joba qarjylandyrylǵanyn málimdedi, dep habarlaıdy almaty-akshamy.kz.
«Aýdıt júrgizý kezinde 5 jyl ishinde tek 18 joba (29%) tapsyryldy, 37-i iske asyrý satysynda (61%). 6 joba (10%) boıynsha jumys tipti bastalmaǵany anyqtaldy. Sebepteri birdeı – sapasyz dızaın, jaýapsyz merdigerler. Jobalardy iske asyrý merzimin keshiktirý saldarynan Qazsýshar shotynda 6,5 mlrd teńge ıgerilmeı, jınaqtalyp qaldy. Búdjet olardy rezervteý úshin qosymsha 1,7 mıllıard teńge tóledi», – deıdi Godýnova.
Ol sondaı-aq, sheneýnikter el búdjetine jobalar boıynsha álsiz jumystarymen ǵana emes, baǵam aıyrmashylyǵyna baılanysty shyǵyndaı qaýip tóndiretinin atap ótti. Óıtkeni qaryz dollarmen alynady. Aýdıtorlyq palata basshysy EQDB-nyń 3 mlrd teńgeden astam somaǵa 8 qaryz jobasy sheńberinde satyp alynǵan jabdyqtar men salynǵan ınfraqurylym kózdelgen maqsatqa jaramaǵanyn aıtady.
«Aqyry, josparlanǵan 4 myń gektarǵa jýyq sýarmaly jer aýyl sharýashylyǵy aınalymyna engizilmegen. EQDB qaryzyn maqsatsyz paıdalanýdyń taǵy bir mysaly – Aqtóbe sý qoımasynan Sazdy arnasyna sý qubyryn salý arqyly Aqtóbedegi Jasyl aımaq ınfraqurylymynyń obektilerin damytý jobasy. Ony iske asyrýǵa 1,5 mıllıard teńge qajet bolǵan. Bul qaryz sýarý ınfraqurylymyn qalpyna keltirýge josparlanǵan, al is júzinde Aqtóbe saıabaq aımaǵyn abattandyrýǵa ketti», – deıdi ol.
Godýnova sheneýnikter saıabaq salý úshin valútalyq qaryz almaýy kerek dep eskertti. Aýdıtorlyq is-sharalar nátıjesi boıynsha úkimetke jáne ýákiletti memlekettik organdarǵa sý salasyn basqarýdyń tıimdiligin arttyrýǵa baǵyttalǵan barlyǵy 91 tapsyrma men usynym berilgen. Onyń 41 oryndalyp, 50-i aıaqtalmaǵan. 2256 ıesiz ózdiginen tógiletin gıdrogeologıalyq uńǵyma problema bolyp qalyp otyr.