Tas joldardyń jabylýyna baılanysty qalaaralyq poıyzdarymen 500 astam adam tasymaldandy, dep habarlaıdy almaty-akshamy.kz «Jolaýshylar tasymaly» AQ baspasóz qyzmetine silteme jasap.
Qys mezgilindegi qolaısyz meteorologıalyq jaǵdaılarǵa baılanysty bıyl 13-14 qańtar aralyǵynda «Jolaýshylar tasymaly» AQ 500 astam jolaýshyny evakýasıalady. Bul kúnderi Astana-Pavlodar, Esil-Atbasar jáne Kókshetaý-Astana ýchaskelerindegi tas joldarynda shekteýler engizildi.
Osyǵan baılanysty jolaýshylar kelesi poıyzdarmen tasymaldandy:
-«Pavlodar-Nur-Sultan-1» baǵyty boıynsha №7501 poıyz;
-«Nur-Sultan-Nurly jol-Kókshetaý» baǵyty boıynsha №7507/7508 poıyz;
-«Nur-Sultan-1-Kókshetaý» baǵyty boıynsha №6829/6830 poıyz;
-«Nur-Sultan-Nurly jol-Atbasar» baǵyty boıynsha №6803/6804 poıyz;
-«Nur-Sultan-1-Pavlodar»baǵyty boıynsha №7502 poıyz;
-«Nur-Sultan-1 – Ereımentaý» baǵyty boıynsha №6832 poıyz.
Aýa-raıynyń qolaısyzdyǵyna qaramastan, jolaýshylar poıyzdarynyń qozǵalysy toqtamaıdy. Temirjoldyń barlyq qurylymdyq bólimsheleri jolaýshylardyń qaýipsizdikterin qamtamasyz etý maqsatynda qajetti jumystardy atqaryp jatyr.
«Jolaýshylar tasymaly» AQ azamattardan aýa raıy jaǵdaılaryn elep, óz saparlaryn aldyn ala josparlaýdy jáne jolaýshylardyń qaýipsizdigin qamtamasyz etýge baǵyttalǵan sharalarǵa túsinistikpen qaraýdy suraıdy.