2021 jyly Memleket basshysy Qazaqstan halqyna Joldaýynda keshendi qala qurylysynyń jańa standarttaryn ázirleýdi tapsyrǵan bolatyn.
Halyqaralyq tájirıbeni eskere otyryp, keshendi qala qurylysynyń jańa standarttary engiziletin bolady, dep habarlaıdy Almaty-akshamy.kz QR Indýstrıa jáne ınfraqurylymdyq damý mınıstrligine silteme jasap.
Standart bos ýchaskelerde jańa qurylys keshenderin salý, bar qurylysty qaıta qurý jáne qala aýmaǵyn abattandyrý máselelerin qamtıdy.
Qurylys úrdisi turǵyndardyń qaýipsizdigi men densaýlyǵy sıaqty qaǵıdalardy eskere otyryp, júzege asyrylatyn bolady.
Bas jáne egjeı-tegjeıli josparlardy sapaly ázirleýdi, sonymen birge olardy iske asyrýdy qamtamasyz etý úshin barlyq deńgeıdegi qala qurylysy jobalaryna biryńǵaı qala qurylysy saraptamasyn engizý josparlanyp otyr.
Biryńǵaı qala qurylysy saraptamasyn engizý sapaly josparlaýdy, bastapqy materıaldardy keshendi tekserýdi, qala jobalaryn ázirleý jáne kelisý talaptarynyń saqtalýyn qamtamasyz etedi dep kútilýde.
Esterińizge sala keteıik, 2021 jyly Memleket basshysy Qazaqstan halqyna Joldaýynda «Adamdar – ınfraqurylymǵa» qaǵıdatyn saqtaı otyryp, "Aglomerasıalardy damytý týraly" zańdy jáne keshendi qala qurylysynyń jańa standarttaryn ázirleýdi tapsyrǵan bolatyn. Bul - eń aldymen, qala qurylysyna, qala qurylysy saraptamasy ınstıtýtyna, qurylys salasynda online-esepke alý men tirkeýge jańa standarttardy engizý.