Almatynyń ortalyǵynda drıft jasaǵan kólik áýesqoıy jaýapqa tartyldy
Polısıaǵa bul týraly dabyl áleýmettik jeli arqyly túsken, dep habarlaıdy Almaty-akshamy.kz Polisia.kz-ke silteme jasap.
«Quqyq buzýshylyqqa birden jaýap berildi. Patrúldik polısıa Polkiniń ekinshi rotasynyń qyzmetkerlerimen túngi ýaqytta drıft uıymdastyryp, turǵyndardyń tynyshtyǵy men jol erejesin buzǵan “BMW” júrgizýshisi anyqtaldy jáne jaýapkershilikke tartyldy. Ol 1993 jyly týǵan Sh. esimdi azamat bolyp shyqty. Quqyq buzýshyǵa qatysty QR ÁQbK-niń 595-baby 1-bóligi, 630-baby 1-bólimine sáıkes ákimshilik hattamalar jasalyp, jol qozǵalysy erejelerin múltiksiz saqtaý jóninde túsindirme áńgime júrgizildi. Bul aımaq erekshe baqylaýǵa alyndy», – dedi Almaly aýdandyq Polısıa basqarmasynyń bastyǵy Esen Ysqaqov.