Qalanyń tártip saqshylary 10 lıtr qan tapsyrdy
QR İshki ister mınıstrliginiń bastamasymen bastalǵan qaıyrymdylyq estafetasy aıasynda Almaty polıseıleri qan qoryn tolyqtyrdy. Igi is jasaý úshin 50 tártip saqshysy qalalyq Qan ortalyǵyna baryp, qan tapsyrdy, dep habarlaıdy Almaty-akshamy.kz
«Búginde qan tapsyrǵan árbir polıseı osy sátte halyqtyń qoldaýyna muqtaj jannyń ómirine tikeleı qatysty. Biz úshin donorlyq – eń aldymen azamattyq borysh, sosyn janashyrlyq jáne qaıyrymdylyq. Biz donorlyq qozǵalystyń damýyna zor úles qosa aldyq dep senemiz. Polısıa qyzmetkerleriniń arasynda qan toby sırek kezdesetin jandar da bar, olardyń qany tapshy bolyp tabylady. Bizge azamattardyń konstıtýsıalyq quqyqtary men bostandyqtaryn qorǵaý týraly ant tapsyryldy, sondyqtan búgingi is-áreketti alǵa qoıylǵan mindetterdi oryndaýdyń bir ádisi dep sanaýǵa bolady. Biz tapsyrǵan qan bireýdiń ómirin saqtaıdy dep senemiz. Sizdiń muqtaj janǵa kómekteskenińizdi sezinýińizdiń ózi jeke qurammen jumys isteý barysynda tárbıelenýshilerge jaqsy áser etedi», – dedi Almaty qalalyq PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.
Polısıa bólimshesiniń basshylyǵy da osyndaı ómirlik mysaldarǵa súıene otyryp, búgingi tańda polıseılerdiń jas urpaǵy yntymaq pen adamgershiliktiń baǵasyn túsinetinin atap ótti. Al qatarda jany saý jigitterdiń baryn eskergen tártip saqshylary qajet bolsa, donorlyq qozǵalysty turaqty túrde tájirıbeleýge daıyn.