Almatyda 15 qyrkúıek kúni saǵat 19:00-de Qala kúnine oraı jáne Abaı atyndaǵy qazaq ulttyq opera jáne balet teatrynyń aldynda jańa «Mura» teatr maýsymy bastalýyna qatysty gala-konsert ótedi. Oǵan Qazaqstannyń Halyq ártisi Nurjamal Úsenbaeva, Qazaqstannyń eńbek sińirgen qaıratkerleri Jámılá Baspaqova, Gúlzat Daýrbaeva, «Qurmet» ordeniniń ıegeri Zarına Altynbaeva, halyqaralyq baıqaýlardyń jeńimpazdary Nurjan Bajekenov, Farhad Kýbıev, Venera Alpysbaeva jáne basqa da opera jáne balet juldyzdary qatysady, dep habarlaıdy aqshamnews.kz
Aıta keterligi, osy is-sharanyń ótýine baılanysty 15 qyrkúıekte saǵat 17:00-den 23:00-ge deıin Abylaı han dańǵylynan Nazarbaev dańǵylyna deıin Qabanbaı batyr kóshesi jabylady dep kútilýde.
Gala-konsertti uıymdastyrýshylar Abaı atyndaǵy QUOBT-y men Almaty qalasynyń ákimdigi konserttik baǵdarlamanyń árbir nómiri ashyq keńistik úshin kórkem oılastyrylǵan operalar men baletterdiń úzdik úzindileri ekenin atap ótti. Ashyq aspan astyndaǵy aınalmaly sahnada kórermenderge klasıkalyq jáne zamanaýı senografıa áleminiń úzdikteri usynylady. Gala-konserttiń dırıjeri-Qazaqstannyń eńbek sińirgen qaıratkeri Nurjan Baıbosynov.
Sonymen qatar, óner oshaǵynyń jańa 91 maýsymy men Qala kúniniń bastalýyna arnalǵan is-sharaturǵyndar men qonaqtarǵa umytylmas jaryq shoýyn usynady. Ony jasaý úshin tanymal jaryq sýretshisi, bedeldi «Altyn maska» teatr syılyǵynyń ıegeri, kóptegen halyqaralyq jobalardyń qatysýshysy Tatána Mıshına shaqyryldy.
«Abaı atyndaǵy teatr - ónerdiń biregeı besigi. Onyń basty maqsaty – bolashaq urpaqqa kıeli sahna vırtýozdarynyń sheberligin oıatý, 90 jyldyq ádemi dástúrimizdiń kórneki jańalyǵyn qalyptastyrý, súıikti kórermenderimizben baılanysty nyǵaıtý jáne teatrdyń tereń tarıhyn baıytý», - dep atap ótti Abaı atyndaǵy QUOB-nyń dırektory Aınur Kópbasarova.
Ótetin orny: Abaı atyndaǵy qazaq ulttyq opera jáne balet teatry aldyndaǵy alań (Qabanbaı batyr kóshesi, 110).
