Jaýyn-shashynnyń kóp túsýine baılanysty Almaty qalasynyń komýnaldyq qyzmetteri táýlik boıy kúsheıtilgen rejımde jumys isteıdi, dep habarlaıdy almaty-akshamy.kz Almaty qalasynyń Komýnaldyq ınfraqurylymdy damytý basqarmasyna silteme jasap.
Saǵat 20:00-den 367 tehnıka men 171 jol jumysshysy jumyldyryldy.
148 qum sepkish kólik joldarǵa kóktaıǵaqqa qarsy materıal seýip shyqty. Saǵat 20:30-daǵy jaǵdaı boıynsha 350 tonna paıdalanyldy.
Saǵat 20:30-dan bastap Jol polısıasy patrúldik mashınalarynyń súıemeldeýimen qar jınaý boıynsha 11 baǵyt uıymdastyryldy.
Trotýar jınaıtyn 160 shaǵyn tehnıka da qar tazalaýda.
Tártip boıynsha keptelisti boldyrmaý úshin eń aldymen kólik nópiri kóp qozǵalys ýchaskeleri qardan tazalanady. Sodan keıin kólik aǵynynyń qarqyndylyǵy ortasha ýchaskeler - alańdar, vokzal mańy aýmaǵy, trotýarlar, áleýmettik nysandaǵy kirme joldar tazalanady.
Qalanyń komýnaldyq qyzmetteri kúsheıtilgen rejımde jumysyn jalǵastyrýda, keshki jáne túngi ýaqyttarda kúsheıtý, sondaı-aq qar tazalaý marshrýttaryn túzetý. Aýdan ákimdikterinde jumys barysyn baqylaý boıynsha táýlik boıy kezekshilik uıymdastyryldy.
