Almatyny qoǵamdyq kólikpen qamtamasyz etip otyrǵan kompanıalardyń biri – «Almatyelektrotrans» JSHS-y avtobýstardyń tehnıkalyq qyzmet kórsetýine baılanysty jańa pılottyq jobany iske asyrýda.
«Almatyelektrotrans» avtobýstaryna zaýyttyń mamandary tehnıkalyq jáne servıstik qyzmet kórsetedi. Óndirýshi zaýyt pen almatylyq kompanıa arasynda aýtsorsıngtik qyzmetke kelisim jasaldy. «Almatyelektrotrans» málimetinshe, pılottyq jobanyń qolǵa alynýyna kelesi sebepter negiz bolǵan:
– Memlekettik satyp alý júıesi baǵasy eń tómen qyzmetti ne jabdyqty qabyldaıdy. Bul óz kezeginde avtobýsqa alynǵan jabdyqtardyń sapaly bolýyna kepil bermeıdi. Sondyqtan qoǵamdyq kólikter tezirek tozyp, jıi jóndeý jumystary isteledi.
– Tender ótkizý kóp ýaqyt alady. Sondyqtan jóndeý jumystary tez istele qoımaıdy, ol óz kezeginde qalalyq baǵyttardaǵy avtobýstardyń jıiligin azaıtady.
– Tender arqyly qajetti jabdyqtar alynyp, kompanıa óz kúshimen jóndeý jumystaryn istegen kezde bul jumystarǵa kepildik berilmeıdi.
«Almatyelektrotrans» JSHS bas dırektorynyń tehnıkalyq suraqtar boıynsha orynbasary Aıdar Eshpanovtyń aıtýynsha, aýtsorsıng arqyly tehnıkalyq qyzmet kórsetý – joǵary bilikti mamandarǵa jáne zamanaýı ádisterge qol jetkizýge múmkindik beredi, sondaı-aq sapaly qosalqy bólshekterdiń alynýyn qamtamasyz etedi. Oǵan qosa, aýtsorsıng arqyly istelgen jumystarǵa kepil beriledi.