Ótken jyly Naýryzbaı aýdanynda alańy 4 myń sharshy metrdi quraıtyn Ala Estate parki ashyldy. Qazir munda jıhaz, kondıterlik jáne galantereıalyq, keńse taýarlaryn, betperdeler men tamaq oramalaryn shyǵaratyn 9 zaýyt jumys isteıdi.
Jumys sapary kezinde Almaty ákimi Baqytjan Saǵyntaev áleýmettik, ınjenerlik nysandar men joldardyń salyný barysyn, sondaı-aq Naýryzbaı aýdanyndaǵy qoǵamdyq keńistikterdiń abattandyrylýyn tekserdi, dep habarlaıdy Almaty-akshamy.kz.
Jańa Almatynyń áleýmettik ınfraqurylymyn damytýǵa erekshe kóńil bólinedi. Taý samaly men Aqjar shaǵynaýdandarynda 120 oryndyq balabaqshalardyń qurylysy aıaqtaldy. Qazir jıhazdar men jabdyqtardy ornatý jumystary jalǵasýda. Qala ákimi Baqytjan Saǵyntaev qurylysshylardyń jumys nátıjelerimen tanysyp, Aqjar shaǵynaýdanyndaǵy balabaqshaǵa ınjenerlik komýnıkasıalardy qosýdy 10 shildege deıin aıaqtaýdy tapsyrdy.
Kásipkerler bilim berý ınfraqurylymynyń damýyna da óz úlesterin qosýda. Baqytjan Saǵyntaev Aqjar yqshamaýdanda salynyp jatqan Upstream Zerek school jeke mektebinde boldy. Oqý orny zamanaýı standarttarǵa saı salynyp jatyr jáne 140 bastaýysh synyp oqýshylaryna arnalǵan.
Megapolıs ákimi №15 mektep-ınternatty kúrdeli jóndeýden ótkizý josparlarymen tanysty. B.Saǵyntaev irgeles aýmaqty abattandyrý jáne 4 ga alańǵa skver jasaý jobasyn ázirleýdi tapsyrdy. Sondaı-aq, Tastybulaq shaǵyn aýdanynda aýmaǵy 3,1 ga bolatyn bos jer ýchaskesin ıgerý boıynsha joba ázirlenedi. Munda deneshynyqtyrý-saýyqtyrý ortalyǵyn, zamanaýı kitaphana salý, qoǵamdyq keńistikterdi abattandyrý josparlanýda. Osylaısha, qaraýsyz qalǵan aýmaq ózgerip, Naýryzbaı aýdany turǵyndary demalatyn jańa tartymdy núktege aınalady.
Qala ákimi Nur Otan partıasy aýdandyq fılıaly ǵımaratynyń qurylys alańynda boldy jáne burynǵy qan ortalyǵynyń aýmaǵyn aralady. Onyń tapsyrmasy boıynsha munda psıhologıalyq damýy tómen balalarǵa arnalǵan korreksıalyq ortalyq pen áleýmettik mýzykalyq mektep salý jobalary ázirlenedi.
Tastybulaq shaǵyn aýdanynda jol salýǵa daıyndyq júrýde. Buryndary munda 32,6 shaqyrym ınjenerlik jáne 10,4 shaqyrym sý burý jelileri tartylǵan bolatyn. 12,8 shaqyrym kóshege asfált tóseý josparlanýda. Almaty ákimi Baqytjan Saǵyntaevpen kezdesý barysynda jergilikti belsendi turǵyndar tórt kóshege tartylǵan ınjenerlik jelilerdegi jumys sapasyn tekserýge nıet bildirdi.
Qala ákiminiń tapsyrmasy boıynsha «Almaty sý» mamandary turǵyndarmen birge qosymsha tekserýler júrgizedi. Osydan keıin merdiger joldardy qalpyna keltirýge kirisedi. Asfált tóseýdi kúzge deıin aıaqtaý mindeti qoıyldy.
Almaty Business-2025 baǵdarlamasyna sáıkes shaǵyn óndiristik parkterdegi qoljetimdi óndiris alańdaryn usyný arqyly SHOB qoldaý kórsetilýde. Ótken jyly Naýryzbaı aýdanynda alańy 4 myń sharshy metrdi quraıtyn Ala Estate parki ashyldy. Qazir munda jıhaz, kondıterlik jáne galantereıalyq, keńse taýarlaryn, betperdeler men tamaq oramalaryn shyǵaratyn 9 zaýyt jumys isteıdi. 120 turaqty jumys orny quryldy.
Kásipkerler Baqytjan Saǵyntaevqa alańdardy jalǵa alý sharttarynyń qoljetimdi ekenin jáne onyń qysqa merzimde suranysqa ıe ónimder shyǵarýǵa múmkindik beretinin aıtty. Almaty Finance jáne «MFO Almaty» JSHS jyldyq mólsherlemesi 2%-dyq qoljetimdi nesıeler alý arqyly óndiristi keńeıtýge bolady. Ótken jyly Ala Estate shaǵyn óndiristik parkine qatysýshylar 120 mln tg ónimin shyǵardy.
Almaty ákimi sheteldik ınvestorlar men tehnologıalardy tarta otyryp, 300 jumys ornyn qurý josparlanǵan toqyma fabrıkasy qurylysynyń jobasymen tanysty.
Baqytjan Saǵyntaev Qaraǵaıly shaǵyn aýdanyndaǵy Tájıev kóshesiniń boıyndaǵy jańa kópirdi jáne «Qarǵaly» sý tazartý stansasynyń qurylys barysyn tekserdi. Qala ákimi nysandy jobada kórsetilgen merzimde tapsyrýdy tapsyrdy.
Jumys sapary kezinde megapolıs ákimi qazirgi kezde Jandosov kóshesiniń boıynda qurylysy bastalǵan jańa jaıaý júrginshiler aımaǵyndaǵy shaǵyn arhıtektýralyq pishinderdi men jaryq shamdaryn da kórdi. Baqytjan Saǵyntaev jaıly oryndyqtar men zamanaýı jaryq qurylǵylaryn ornatýdy tapsyrdy. Budan ózge, Almaty ákiminiń tapsyrmasy boıynsha aýdan ákimdiginiń aldynda 4,5 ga aýmaqta zamanaýı demalys saıabaǵy jasalatyn bolady.
Aýdanda qoǵamdyq keńistikterdi abattandyrý maqsatynda «Búdjetke qatysý» baǵdarlamasy aıasynda 50 joba júzege asyrylýda.
Aǵymdaǵy jyly balalar men sport alańdaryn, trotýarlardy, serýendeý aımaqtaryn, kósheler men saıabaqtardy, sondaı-aq Tastybulaq jáne Qalqaman shaǵyn aýdandaryndaǵy aryq jelileri men ózen arnalaryn jóndeý jumystary júrgiziletin bolady.