Kemel shaǵyn aýdanyndaǵy jańa ınjenerlik jeliler 20 myńnan astam abonentti turaqty elektrmen qamtamasyz etedi, dep habarlaıdy Almaty-akshamy.kz
Almaty ákimi Erbolat Dosaev jumys sapary barysynda Jetisý aýdanynyń turǵyndarymen kezdesip, ınjenerlik komýnıkasıalardyń daıyndyq deńgeıin tekserdi, olardy rekonstrýksıalaý bıyl jeltoqsan aıynda aıaqtalýǵa tıis.
Turǵyndardy turaqty elektrmen qamtamasyz etý ákimdik jumysynyń mańyzdy baǵyty. Qaladaǵy jelilerdi jańǵyrtýdy Kemel shaǵyn aýdanynda 2022 jyldyń sáýirinen bastap «EC Energy Qazaqstan» JSHS merdigerlik uıymy júrgizip keledi.
Bıyl 7 qyrkúıekte halyqpen kezdesýde qala basshysyna Álqıssa, Oktábrskaıa, Perekrestnaıa, Aqsýat kósheleriniń turǵyndary júgingen máseleniń sheshimi baıandaldy. Bul aýmaqtardaǵy úıler elektrmen jabdyqtaý jelilerin júrgizý jobasyna kirgen joq. Almaty ákiminiń tapsyrmasymen atalǵan kóshelerde turatyn 110 abonent komýnıkasıaǵa qosylady.
Kemel shaǵyn aýdanyndaǵy ınjenerlik jelilerdi qaıta qurý aıasynda 1200-den astam temirbeton tirekteri, 14 transformatorlyq qosalqy stansıanyń 10-y ornatyldy, 30 km-den astam áýe jáne 8 km-ge jýyq kabel jelileri tartyldy, dep habarlady qala basshysyna Energetıka jáne sýmen jabdyqtaý basqarmasynyń basshysy Talǵat Malybaev. Bul jumysty 2023 jyldyń jeltoqsanynda tolyq aıaqtaý josparlanǵan.
Injenerlik jelilerdi qaıta jańartý Kemel shaǵyn aýdanynyń 20 myńnan astam turǵynyn jalpy qýaty 12 706,5 kVt elektrmen jabdyqtaýmen qamtamasyz etýge múmkindik beredi.
Erbolat Dosaev tıisti basqarma basshylyǵyna komýnıkasıa tartý máselesin baqylaýda ustaýdy jáne belgilengen merzimderge sáıkes ınjenerlik ınfraqurylymdy paıdalanýǵa berýdi qamtamasyz etýdi tapsyrdy. Injenerlik jelilerdi qaıta qurýdy aıaqtaý – bul aýdan turǵyndary úshin túıtkildiń túpkilikti sheshimi.
Almaty ákimi jumys sapary barysynda Mádenıet úıi men kitaphanaǵa da bardy. Turǵyndar qala basshysyna shaǵyn aýdandy josparly túrde damytqany úshin alǵys aıtyp, jańa Mádenıet úıiniń jastardyń ordasyna aınalǵanyn atap ótti. Erbolat Dosaev, óz kezeginde, Mádenıet úıine jaqyn mańnan saıabaq salýdyń josparlanǵanyn aıtty.
Buǵan qosa, qala basshysy Kemel shaǵyn aýdanynyń turǵyndarymen kezdesip, jańa mektep salý, jol tósemin jóndeý týraly suraqtarǵa jaýap berdi. Erbolat Dosaev №80 mekteptiń qurylysy boıynsha jumystar aıaqtalyp jatqanyn, onda oqý jańa jyldyq merekelerden keıin bastalýy múmkin ekenin atap ótti. Jol tósemin qalpyna keltirý «Suńqar» merdigerlik kompanıasynyń kepildigi boıynsha júzege asyrylady. Sonymen qatar, qala basshysy shaǵyn aýdan turǵyndaryna jalpy uzyndyǵy 68,9 km sýmen qamtamasyz etý jáne sý taratý jelileriniń qurylysy týraly aıtyp, Gamarnık kóshesinen Soltústik aınalma kóshesine deıin Esentaı ózeniniń boıyndaǵy saıabaq aımaǵyn abattandyrý jumystarynyń barysy týraly baıandady.