Qajymuqan fılmi qalyń qarashaǵa jol tartty.
Belgili rejıser Qanaǵat Mustafın taspalaǵan týyndy qazaqtan shyqqan tuńǵysh kásibı balýan, alyp kúsh ıesi Qajymuqan Muńaıtpasulynyń ómirinen syr shertedi, dep habarlaıdy aqshamnews.kz 24.kz-ke silteme jasap.
Tarıhı shyǵarma eldegi 80 kınoteatrdan kúnine 200 ret kórsetilýde. Keıipkerdiń jas jáne qart shaǵyn, aǵaıyndy Dıas pen Erbol Tólepbergenovter somdaǵan. Al fılmdi túsirýge 80-nen astam maman men 40-qa jýyq akter qatysqan. Joba quny 600 mln teńge.
Qanaǵat Mustafın, «Qajymuqan» fılminiń rejıseri:
- Bul jobany negizi men 12 jyldan bastap daıyndap kele jatyrmyn, senarıin jazdym. 2019 jyly Ulttyq kınony qoldaý qory ashylǵan kezde osy jobamen qatysyp, jeńip alyp, 20-jyly túsire bastadym. Negizgi maqsat osy kınony qarap jasóspirimder osyndaı Qajekeń sıaqty, Qajymuqan babamyz sıaqty álem chempıony bolsaq, búkil álemge qazaqty kórsetsek, qazaqtyń kúshin degen myń jasóspirim shyqsa, meniń mısıam oryndaldy dep sanaımyn.