QAJY GUIDE mobıldi qosymshasy iske qosyldy.
Qosymshada vırtýaldy týr, qajylyqty óteý tártibi, umrany óteý tártibi, duǵalar, kitaptar, suraq-jaýap, dinı sózdik, karta, habarlama, týroperatorlar tizimi qamtylǵan, dep habarlaıdy Almaty-akshamy.kz QMDB Baspasóz qyzmetine silteme jasap.
QMDB Tóraǵasy, Bas múftı Naýryzbaı qajy Taǵanulynyń tikeleı jetekshiligimen qajylyq maýsymy qarsańynda QAJY GUIDE (QAJY GAID) mobıldi qosymshasy iske qosyldy.
Gajy Guide qosymshasy qajylyq jáne umra óteýshilerge arnalǵan tegin sıfrlyq kómekshi qural.
Qosymsha týraly qysqasha aqparat:
Vırtýaldy týr aıdaryna ótý arqyly qasıetti mekendegi jol kartańyzdy kóre alasyz;
Qajylyqty, umrany óteý tártibi kezeń-kezeńimen túsindirilgen;
Sapar barysynda qajet bolatyn tańdaýly duǵalardy qazaq, arab, orys tilinde oqýǵa, aýdıo nusqasynda da tyńdaýǵa múmkindik bar;
Múftıat baspasynan jaryq kórgen qajylyqqa qatysty resmı kitaptardy da osy qosymsha arqyly kórýge bolady;
Suraq-jaýap aıdarynda qajylyq, umra, ıhram, mıqat, arafat syndy baǵyttar boıynsha ózińizge qajetti suraqqa jaýapty tez taba alasyz;
Sózdik aıdarynda qulshylyq barysynda kezdesetin dinı termınderdiń anyqtamasy berilgen.
Qazaqstan qajylary ornalasqan qonaq úıler karta aıdarynda yqshamdalyp beınelengen.
Qosymsha qazaq jáne orys tilinde ANDROID platformasynda qoljetimdi. IOS platformasynda 2-3 kún aralyqta shyǵady.