Qant pen ashytqy qosylǵan nan súıekterdiń nyǵaıýyna kedergi keltiredi.
Sondyqtan bul ónimderdiń ornyn maýsymdyq jemistermen, kókónister jáne shóptermen almastyrǵan jón.
Bul RIA Novostıge suhbatyn bergen ortoped-travmatolog Rýstam Efendıevtiń pikiri.
"Bul jaǵdaıda dıetadan ashytqy qosylǵan nan men qant sıaqty taǵamdardy múmkindiginshe alyp tastaǵan jón. Qantty keptirilgen jemistermen, balmen, djemmen almastyrýǵa bolady, biraq olardy az mólsherde tutyný kerek, jemister men kókónisterdiń de táttisin tańdaǵan abzal", - dep atap ótti Efendıev.
Ashytqy qosylǵan nandy uıytqy jáne bıdaıdan jasalǵan nanǵa, qara bıdaı nanyna aýystyrý kerek. Bul súıekterge, tamyrlarǵa paıdaly, júrek qyzmetin jaqsartady.
Mıneraldardyń sińýine fıtın qyshqyly da kedergi keltiredi. Dánderde kezdesetin bul zat as qorytý fermentterin bloktaıdy. Degenmen bul suly, qaraqumyq nemese júgerige tyıym salynady degendi bildirmeıdi. Tutyný aldynda dánder fıtın qyshqylyn beıtaraptandyrý úshin ashytylady nemese qýyrylady.
Osylaısha, súıek densaýlyǵyn saqtaý úshin qantty tutynýdy azaıtý kerek. Onyń kóp mólsheri ishek mıkroflorasyna teris áser etedi, bul mıneraldardyń sińýine jol bermeıdi. Kofeınniń úlesin azaıtyńyz, óıtkeni ol organızmnen mıneraldardyń neseppen shyǵarylýyn tezdetedi. Sonymen qatar ishimdikten de bas tartqan durys. Bir jaǵynan, ol aǵzadaǵy sýdyń, tuzdardyń joǵalýyna ákeledi, ekinshi jaǵynan súıek tinine ýly áser etedi.
"Kóbine kókónis ónimderin, shópterdi tutyný kerek, mundaı ónimder kóp. Dıetany dárýmendermen, mıneraldy keshendermen tolyqtyrýdy umytpańyz. Maýsymdyq ónimder, ıaǵnı kókónister, jemis-jıdekter adam aǵzasy úshin paıdaly", - dep qosty dáriger.