Almaty halyqaralyq mádenı yntymaqtastyqty belsendi damytýda.
Mádenıet salasynyń 200-ge jýyq qyzmetkeri Fransıa, Germanıa, Italıa, Ońtústik Koreıa, Qytaı, AQSH, Túrkıa, Avstrıa, Vengrıa, Grýzıa jáne basqa elderdiń jetekshi álemdik mádenı ortalyqtarynda biliktiligin arttyryp, oqýdan ótti, dep habarlaıdy Almaty-akshamy.kz.
Olar - kitaphanashylar, murajaıtanýshylar, muraǵatshylar, haıýanattar baǵynyń veterınarlary, sırk jáne teatr ártisteri.
Megapolıstiń mádenı nysandary 100% renovasıalyq jańarýdan ótedi. Qyzmetkerler teorıada da, praktıkada da zamanaýı standarttar men klıentke baǵyttalǵan komýnıkasıany zertteýge basa nazar aýdara otyryp, jańa daǵdylar men quzyretterge ıe bolady.
Aıta keteıik, murajaı qyzmetkerleri Fransıanyń ulttyq eskertkishter ortalyǵynda bilim alyp, álemdik óner murajaıynyń – Musée du Louvre jumys tájirıbesin zerttedi. Almatylyq kitaphanashylar Seýl kitaphanalarynda Gachon University jáne Namsan Public Library, Starfield Library, Nlcy, Seoul Women's University Library jáne Chung Ang University Library sıaqty taǵylymdamadan ótti. Almaty sırkiniń ártisteri alǵash ret Beıjiń halyqaralyq akrobatıka mektebinde jáne Reseı teatr óneri ınstıtýty — GITISTE biliktilikterin arttyrdy.
«Mádenıet salasynyń qyzmetkerleri alǵash ret osyndaı biregeı múmkindikke ıe boldy – álemniń jetekshi mádenı ortalyqtarynyń qabyrǵasynda oqyp, kásibı daǵdylaryn jetildirdi. Qala ákimi Erbolat Dosaev salany damytýǵa erekshe kóńil bóledi, bul aýqymdy is-sharalardy ótkizý, mádenıet nysandaryn jańǵyrtý qyzmetkerlerdiń olı- órisin damytýda. Sırk jáne jergilikti teatr ártisteri, murajaıtanýshylar men kitaphanashylar, sondaı – aq haıýanattar baǵy men muraǵat qyzmetkerleri sońǵy eki jylda 200-ge jýyq adam shetelde oqyp keldi», - dep atap ótti Almaty qalasynyń mádenıet basqarmasy.
