Bul salyqtandyrýǵa jatpaıdy.
Qarjy mınıstrliginiń jeke tulǵalardyń kiristerin ákimshilendirý basqarmasynyń bas sarapshysy Ersaıyn Kóptileýuly osy suraqqa jaýap berdi, dep habarlaıdy aqshamnews.kz
«Sadaqa, qaıyrymdylyq, emdik sharalarǵa rasynda da, mobıldi aýdarymdar arqyly qarajat jınap jatady. Bul kásipkerlik maqsatta jınalyp jatqan qarajat emes. Iaǵnı, ol salyqtandyrýǵa jatpaıdy. Biz joǵaryda aıttyq – tek kásipkerlik maqsatqa paıdalanǵandar baqylanady. Eger emdik sharalarǵa qarajat jınasa, tıisinshe emdik qujattar bolady. Habarlama joldanýy múmkin, joldansa dálel qujattar arqyly ol azamat túsinikteme beredi», – deıdi ol.
Kaspi bankte uıaly telefon nómiri tirkelgen azamattardyń aýdarymdaryn baqylaý máselesi áli de kóp talqyǵa túsip jatyr. Memlekettik kirister komıtetiniń ókili aýdarym somalary emes, tek qatarynan 3 aı boıy 100-den astam adamnan aýdarym qabyldaǵan jeke tulǵalar baqylaýǵa alynatynyn atap ótti. Mundaı jaǵdaıda, aýdarym qabyldaǵan jeke tulǵanyń JSN-i memlekettik kirister komıtetine jiberiledi, al tulǵanyń ózine kameraldyq baqylaý júrgizý týraly habarlama joldanady. Ol ne sebepti osynshama aýdarym alǵanyn túsindirýi kerek. Bul talapty oryndaýǵa 30 jumys kúni beriledi. Eger adam bul habarlamaǵa jaýap bermese, onyń shyǵys operasıalary ýaqytsha toqtatylady.