Endi qazaqstandyqtar buryn alǵan kolej dıplomdary men mektep atestattaryn eGov.kz portalynda sıfrlandyra alady, - dep habarlaıdy aqshamnews.kz
"Ulttyq aqparattyq tehnologıalar" málimetine sáıkes, eGov.kz portalynda bilim týraly qujattardy sıfrlandyrýǵa arnalǵan qyzmet qoljetimdi.
"Endi azamattar tek qate derekterdi túzetip qana qoımaı, qujattyń sıfrlyq nusqasyn jasaýǵa ótinish bere alady. Qyzmet tek buryn alynǵan dıplomnyń nemese atestattyń skanerlengen kóshirmesi bolǵan jaǵdaıda ǵana qoljetimdi", - delingen habarlamada.
"Bilim týraly qujattardaǵy málimetterdi jańartý (túzetý)" memlekettik qyzmeti keńeıtilgen. Buryn bul qyzmet tek qate málimetterdi túzetýge múmkindik berse, endi bilim týraly qujattardy sıfrlandyrýǵa ótinish berý múmkindigi qosylǵan.
Qyzmetti paıdalaný úshin:
eGov.kz portalynda avtorızasıadan ótip, "Azamattarǵa" - "Bilim" bólimin tańdaý kerek;
"Bilim týraly qujattardaǵy málimetterdi ózektendirý (túzetý)" qyzmetin tańdap, "Onlaın suraý" batyrmasyn basý qajet;
"Bilim týraly qujattar týraly aqparatty sıfrlandyrý" qyzmetin tańdap, bilim týraly qujattyń túrin kórsetip, qujattyń skanerlengen kóshirmesin tirkeý kerek;
qyzmettiń nátıjesi paıdalanýshynyń jeke kabınetinde "Qyzmetterdi alý tarıhy" bóliminde qoljetimdi bolady.
"Qujattardy sıfrlandyrý kezeń-kezeńmen júzege asyrylady. Qazirgi ýaqytta 1980 jyldan 2023 jylǵa deıin berilgen orta bilim, tehnıkalyq jáne kásibı bilim berý qujattary sıfrlandyrýǵa jatady. Qyzmetti kórsetý ýaqyty – 5 jumys kúnin quraıdy".
Usynylǵan qujattar nemese derekter qate bolǵan jaǵdaıda qyzmet kórsetýden bas tartý múmkin.