Bul týraly vıse-premer Tamara Dúısenova málimdedi.
Zańnamalyq aktilerge jaıylymdardy tıimdi paıdalanýǵa qatysty ózgerister engiziledi, dep habarlaıdy Almaty-akshamy.kz
Byltyrdan beri memleketke 8,5 mln ga astam jer qaıtarylǵan, onyń 2,8 mln gektary paıdalanýǵa berildi.
Onyń aıtýynsha, paıdalanylmaı bos jatqan nemese bir kezde zańsyz berilgen aýyl sharýashylyǵy jerlerin, onyń ishinde jaıylymdardy qaıtarý úshin jumys júrgizilip jatyr.
"2022 jyldyń basynan beri 8,5 mln gektardan astam jer qaıtaryldy, onyń 2,8 mln gektary qazirdiń ózinde eldiń ıgiligine berildi. Qaıtarylǵan jerdiń kóbi halyqqa mal jaıý úshin berilip jatyr", - dedi Dúısenova májilistiń jalpy otyrysynda.
Vıse-premer zańnamalyq aktilerge jaıylymdardy paıdalaný máselesi boıynsha ózgerister engizý úshin depýtattardyń bastamasymen aýqymdy jumys jasalyp jatqanyn atap ótti.
Bul ózgerister jaıylymdardy basqa jer túrlerine aýystyrýǵa tyıym salý, olardy mal jaıý úshin rezervke qoıý, jaıylymdyq jerlerdi alý normatıvterin ulǵaıtý jáne basqa da normalar arqyly jaıylymdyq jerlerdi utymdy paıdalanýǵa múmkindik bermek.